BLT Burger (Closed)

一班朋友聚餐，尼BLT就啱啦，因為所有嘢都大大份、大大杯，一齊分享就啱啱好！今次我哋揀咗BLT Burger一送到尼，見到滿頂既薯格已經好興奮！食落仲好熱辣辣，非常脆口，係新鮮即炸嫁，厚度亦好適中，所以唔會太多薯肉會好林。而burger牛肉就故知然Juicy啦！肉香湧哂出尼，厚厚的，加埋燒得香脆的煙肉、鬆厚既麵包，每一啖都係滋味！而最毒的，係哩杯「鹽味蝴蝶脆餅焦糖奶昔」cream堆到滿瀉，奶昔非常香滑、濃稠，少少咸味幾得意，又唔會飲到好滯。另外一讚係支飲筒，應該係由米漿造出尼，環保得尼又有特色，唔錯！