Video
Read full review
2011-04-16
41 views
1月15日, 西環一帶真係無乜台灣野食… 某一次睇飲食雜誌時, 見到佢地用上極大篇幅去大讚呢間三星, 仲要開喺咁近我地地頭~ 可能仲係新開, 今晚星期六嚟到, 舖頭入面只得一、兩個人, 位可以任揀~ 仲有電視睇添!::: 紅燒牛肉麵 ::: $38喺香港都食過唔少台式嘅牛肉麵, 大多味道都食唔出台灣風味, 更甚嘅某d台式牛肉麵標榜 “重口味”, 都係味精辣油不停加, 仲要賣到貴一貴, 味道就差上差… 今次其實都唔抱有期望, 好彩係上枱嘅牛肉麵望上去先唔係重口味嗰隻, 油唔算多望落都唔會嚇親人~ 而配菜有蘿蔔, 大蔥同小棠菜, 感覺上都幾健康~ 整體牛, 麵同湯底十分夾, 湯底非常好味! 清得嚟有台灣地道風味, 又有牛肉香~ 辣油少少吊吊味已經好足夠~ 而蔬菜都索到湯汁好香好惹味~ 再重申一點, 口講說不清湯底如何清甜, 看相片就知道, 成晚都唔口渴, 就知道湯底冇加味精了~::: 鮮茄牛肉麵 ::: $40湯底不論外表、味道都同紅燒牛肉麵幾乎一樣, 分別只係面頭蘿蔔嘅顏色, 而都同紅燒牛肉湯一樣. 但原來鮮茄湯底嘅精髓就係喺碗底嘅一大舊蕃茄同埋茄膏~ 攪一攪勻再試, 香濃嘅蕃茄味即刻
::: 紅燒牛肉麵 ::: $38
喺香港都食過唔少台式嘅牛肉麵, 大多味道都食唔出台灣風味, 更甚嘅某d台式牛肉麵標榜 “重口味”, 都係味精辣油不停加, 仲要賣到貴一貴, 味道就差上差… 今次其實都唔抱有期望, 好彩係上枱嘅牛肉麵望上去先唔係重口味嗰隻, 油唔算多望落都唔會嚇親人~ 而配菜有蘿蔔, 大蔥同小棠菜, 感覺上都幾健康~ 整體牛, 麵同湯底十分夾, 湯底非常好味! 清得嚟有台灣地道風味, 又有牛肉香~ 辣油少少吊吊味已經好足夠~ 而蔬菜都索到湯汁好香好惹味~ 再重申一點, 口講說不清湯底如何清甜, 看相片就知道, 成晚都唔口渴, 就知道湯底冇加味精了~
::: 鮮茄牛肉麵 ::: $40湯底不論外表、味道都同紅燒牛肉麵幾乎一樣, 分別只係面頭蘿蔔嘅顏色, 而都同紅燒牛肉湯一樣. 但原來鮮茄湯底嘅精髓就係喺碗底嘅一大舊蕃茄同埋茄膏~ 攪一攪勻再試, 香濃嘅蕃茄味即刻出晒嚟~ 蕃茄嘅酸甜, 加埋牛本身已經夠濃郁嘅牛肉湯真係好好味! 牛肉大大件, 用上牛部份, 夠正宗~ 而且牛肉炆得夠入味, 肉質軟稔煙韌, 嚼勁十足~ 好味! 牛肉麵好QQ, 而且好索到湯汁~ 加埋大量嘅大蔥令整碗麵味道更加甘甜! 結論係, 鮮茄牛肉麵味道比紅燒更濃烈, 但就算食晒成碗都覺得唔會覺得好漏, 回味無窮~!!
::: 鹽酥雞粒 ::: $25鹽酥雞粒幾特別~ 佢個炸粉係好薄好粉嫩嘅一層, 值得一讚嘅係個炸皮完全唔油膩之餘內裡嘅雞肉仲係嫩嫩嘅粉紅色!! 雞肉鮮嫩, 味粉適量, 唔會一味得個鹹字, 加埋大量炸蒜同生蒜伴喺側邊, 令雞粒更加惹味~
::: 肉燥青菜 ::: $15呢個菜真係抵! 菜量十分多~ 青菜夠新鮮, 大大棵煮得翠綠怡人. 肉燥係肥瘦夾雜嗰種, 鹹香有致, 又滲出淡淡肉的香甜. 份量亦唔孤寒, 下得頗多~ 用嚟送菜一流!
::: 凍胚芽奶茶 ::: $10難得一場嚟到食台灣野, 就即管試埋呢度嘅台式奶茶啦! 估唔到個胚芽奶茶係咁大杯! 奶茶無平時d台式奶茶咁甜到漏, 反而茶味都幾濃~ 胚芽都幾多~ 飲落有陣麥香, 都幾好飲!
呢度環境光猛潔淨, 開放式廚房可以一路睇住師傅們洗切煮麵, 令等食時間增添些少樂趣! 我地都係事後先知道原來呢度係前女歌手傅珮嘉老公所開, 怪唔之得敢開喺呢d咁僻嘅地方, 又識得做宣傳大搞明星效應! 幸好, 有明星撐之餘, 三星仲有嘅係實力!
Post
