Video
Read full review
2008-12-04
22 views
3/12/08 7:15pm放工返到元朗, 正走向食牛肉麵之際, 發現左一間新開既中式包點店. 其實個人是偏好西式包, 總覺得變化較多, 賣相靚. 但今次竟然比門口的試食吸引左, 就係蘿蔔糕.~已放涼既蒸蘿蔔糕入口不太粉, 仲食到絲絲蘿蔔, 雖然料不算多, 但至少食到真味, 已不錯. 何況只是 $10 有一大條? 好, 買一條返屋企加料~ 店員更提議翻蒸比煎好, 因為粉不多, 易散. 老闆娘好熱情, 逐向我介紹蒸爐既包點, 叉燒包, 雞肉包, 菜肉包, etc...問佢既推介, 佢話所有包係每日即做, 唔留過夜的, 佢既第一個推介係"素包". 當我我抱住半信半疑既心態時, 老闆拍心口話d包唔落豬油, 又鬆軟,叫我即場試食. 好!! 放低 $4跟機! 熱辣辣既包從櫃中取出, 仲連底紙都幫我摵埋, 睇個包表面脹卜卜似係新鮮蒸起,一啖咬入, 果然非常鬆軟, 入面有菜同冬菇都好新鮮 ! 老闆見我影相, 問我係唔係寫稿? 我敷衍地答了:..係..係.. 跟住o係隔離既甜包櫃拎左個香芋包出黎, 又係推介, 係每日用鮮芋頭磨成, 佢幫我分開一半比我影相, 仲請我食, 哈!!(其實我好鐘意
3/12/08 7:15pm
放工返到元朗, 正走向食牛肉麵之際, 發現左一間新開既中式包點店. 其實個人是偏好西式包, 總覺得變化較多, 賣相靚. 但今次竟然比門口的試食吸引左, 就係蘿蔔糕.~
已放涼既蒸蘿蔔糕入口不太粉, 仲食到絲絲蘿蔔, 雖然料不算多, 但至少食到真味, 已不錯. 何況只是 $10 有一大條? 好, 買一條返屋企加料~ 店員更提議翻蒸比煎好, 因為粉不多, 易散.
老闆娘好熱情, 逐向我介紹蒸爐既包點, 叉燒包, 雞肉包, 菜肉包, etc...問佢既推介, 佢話所有包係每日即做, 唔留過夜的, 佢既第一個推介係"素包". 當我我抱住半信半疑既心態時, 老闆拍心口話d包唔落豬油, 又鬆軟,叫我即場試食. 好!! 放低 $4跟機! 熱辣辣既包從櫃中取出, 仲連底紙都幫我摵埋, 睇個包表面脹卜卜似係新鮮蒸起,一啖咬入, 果然非常鬆軟, 入面有菜同冬菇都好新鮮 !
老闆見我影相, 問我係唔係寫稿? 我敷衍地答了:..係..係.. 跟住o係隔離既甜包櫃拎左個香芋包出黎, 又係推介, 係每日用鮮芋頭磨成, 佢幫我分開一半比我影相, 仲請我食, 哈!!(其實我好鐘意食芋頭!!) 味道不太甜而且食到芋頭香, 只嫌餡有d唔夠多呢!
二話不說, 老闆又帶我去店後的小小工場參觀, (化身成食記?) 未放出店外的包包放o係存o凍櫃入面, 好衛生, 地方好乾淨~ 後來老闆話, 如果買凍包返屋企, 除左隔水蒸 7 mins, 仲可以用水沖一沖個包, 直接放入microwave 30 s, 一樣鬆到彈起. 咁神奇?? 佢又再送一個饅頭比我試.
翌日試過翻叮饅頭,係成功既~~下次再試番薯 /南瓜包先得~
多謝老闆娘咁好客!
Post
