櫻月

Open Now

Now Closed

住東區嘅我就知道呢邊有好多隱世美食，近日都去左間親切，由一家人經營的日式料理的居酒屋，獨創特色美食，另有多款人氣拉麵🍜店內座位，但好似日本居酒屋咁，客人可以一邊品嘗美食一邊同師傅或朋友飲酒聊天😍氣氛好熱鬧🥰以下有幾款推介～🥟極品海膽蝦餃子 炸腐皮包住鮮蝦，上面放了新鮮海膽及飛魚子，入口一陣鮮甜一陣酥脆，蝦肉彈牙，口感豐富！🦪朴葉焗蠔 用日本朴葉包日本直送廣島蠔。 打開葉芳香撲克😌 焗蠔漲卜卜， 配以自家製的麵豉醬一起食，好juicy 鮮甜又有陣陣酒香。食完蠔仲要飲埋秘製香濃蠔湯，一蠔兩食，真係好特別！🍆櫻花蝦茄子田樂 烤茄子配自家製麵豉蝦醬，面層再舖上炒櫻花蝦，茄子入口即溶，豉蝦醬香味濃郁，色香味俱全😋串燒特級牛舌芯 珍貴的牛舌芯，外脆內嫩，入口爽脆，調味剛好，佐酒一流👍串燒雞心同雞腳筋 烤得外層香脆，入口爽彈有嚼勁平目魚裙邊麵是日緣份拉麵是這款， 平目魚裙邊壽司就食得多，配拉麵倒是一次😍師傅火灼槍將平目魚裙均勻地燒灼，令油份溢出，入口即溶，魚香滿滿。 秘製麵豉湯底尤其香濃，湯麵爽口彈牙，順滑掛湯。