Funky Monkey

Open Now

Now Closed

好似去左尖沙咀既酒吧咁，個裝修非常有個性，用色大膽，色彩繽紛，有一種迷幻既感覺，又有好多唔同表情既猴子。跟餐既沙律用左沙律醋調味，清新易入口，蔬菜新鮮，好嫩又好脆，微咸既芝士又爲沙律帶來另一種感覺。叫左個pepperoni pizza ，兩個人分享岩岩好，個質素真係唔錯，餅底係薄個種，非常脆，口感好好，而且唔會乾。上面既芝士同蕃茄醬份量充足，個蕃茄醬既味道好鮮，就算加上左厚厚既芝士都食到個種鮮味，好好食。去酒吧既重點當然係飲酒啦，而依度既酒真係好令人印象深刻，值得再飲。Soultini 非常適合女孩子入，因為果香十足，非常易入口，有熱情果新鮮士多啤梨既香甜、菠蘿既酸甜同埋檸檬味，但個比例剛剛好，唔會蓋過vodka 既酒味，酒味同水果味完美融合，飲完口中仲有種香味。