Running 燒 (Closed)

今日黎到旺角呢間running燒食韓燒，餐廳唔算好大，所以一定要卜枱，依家做緊優惠1920前離座/2130後入座都有7折，埋單唔洗200蚊位，咁既價錢黎講，絕對物有所值。坐低左之後，飲品自己去凍櫃拎，汽水，烏龍茶，椰青水應有盡有，想飲酒可以加錢另叫，醬汁有個小小corner自己添加，大醬，豉油，燒肉醬汁隨你喜歡。去到重點梗係燒肉啦，落單自己填紙仔，雞牛羊豬海鮮都有，重有一系列既炸物，湯麵飯去點。我自己揀左幾樣鍾意既食物。海鮮我首推扇貝，帶子，多春魚。帶子細細粒，食多幾粒都唔怕飽，扇貝算係中size既，我一個都食左5，6隻，另外多春魚就係每次必點。肉類方面我覺得厚身既會比較好，口感都好啲，首推一口牛柳粒，牛舌，厚身豬五花係我推薦既。另外熟食，炸雞同埋魷魚鬚店員話係即炸，所以食落口好脆同埋好熱。最後推薦既係水冷麵，估唔到係燒肉店食到咁好食既水冷麵，食落真係冰凍，呢幾日咁熱食落真係透心涼，而且小小酸，食完碗麵開左個胃真係燒多幾舊肉。最後要讚既係抽風系統唔錯，食完件衫都冇咩燒烤味。