大壹燒鵝 (登輝大廈)

Open Now

Now Closed

燒味飯係香港出名嘅飲食文化，但偏向油膩，所以唔係經常食，正因如此，每次食都要揀間有質素保證食開銅鑼灣登龍街大壹燒鵝，每次都唔會失望。今次叫咗例牌燒鵝同燒味三拼：燒腩仔，半肥叉燒及玫瑰豉油雞；另外加個飯、米粉及油菜燒鵝例牌要咗上庄，因為鍾意食鵝胸，上枱見到鵝皮色水均勻有光澤，唔會燒到過燶，而且頻頻出爐，每隻都唔會放好耐保持新鮮。咬落去鵝肉細緻，調味恰到好處，唔會過鹹，最重要係鵝皮脆口油脂豐富，絕對係高水準之作三拼都同樣出色：燒腩仔脆皮唔過鹹，一口一粒啱啱好半肥叉有燶邊位，係食叉燒嘅最高境界🤤😆豉油雞仲俾咗雞髀添，雞肉超滑，浸到剛剛熟，豉油味淡淡的，加薑蔥食啱啱好