開餐 (Closed)

我嗌咗個蠔仔湯飯， 入面有勝瓜， 啲蠔仔同一般我哋出麵食嘅蠔仔湯飯相比， 個體即係明顯大啲， 我諗畀佢出面嘅蠔仔係大約大三四倍， 所以你基本上可以將一隻蠔仔分四啖食。 不過雖然佢嘅份量係大， 好彩嘅係佢唔會畀好少蠔你， 據我嘅記憶都起碼有六七隻。 generally嚟講係好食嘅。女朋友叫水煮魚河粉， 一開始佢話酸味有餘但係辣味不足。 但我同佢講話其實嗰度有好多辣椒，如果你真係覺得唔夠辣嘅話，你篤碎啲辣椒，慢慢啲辣味就出嚟。 咁佢最後都話食到後面，的確越嚟越辣。 所以其實係ok嘅。另外我哋嗌咗個小食就係木耳呀。 正常木耳囉。 啲侍應成日喺度玩手機， 啲後生仔。 如果佢哋可以望落去態度專業啲會再好啲。