常樂素食 (Closed)

今晚睇完電影，又唔係太肚餓， 所以就同友人上左常樂食少少野。打開本餐牌， 大部分貼曬白色貼子，只有一部分可以選擇， 最終選了一個艇仔粥和較安全的薑蓉炒芥蘭。 果然無令我意外， 個艇仔粥鹹到無朋友，個芥蘭油淋淋不再話下，個味道甜到心裏狂叫OS, 心中不禁概嘆原來富臨酒家的薑汁芥蘭已經算不錯。 到埋單時， 我好奇問張會員卡後面寫的生日優惠咩意思， 之後個服務員詢問完上級後， 示意生日優惠可享有8折，之後佢再問我有無會員卡， 我示意有， 轉頭她突然示意因為消費太低，所以不能有任何折扣，包括會員卡（9折）。 我當場呆一呆， 冷笑一下， 全場並沒有示意最低消費， 會員卡更沒有列明最低消費才可享有折扣。今次真係大開眼界，第一次見識到如此小家的食館。 味道差， 服務態度差，特別是那個盤髻已上年紀的女人態度非常惡劣。 最討厭那些無品的餐廳永不再光顧