堅信號上海生煎皇 (花園街) (Closed)

呢間鋪頭去過幾次，因為佢d野真係大份夾抵食而且食物質素都唔錯。今次同朋友黎係因為佢話想食個個永澤同學奶黃包。我地每人叫左個麵，再share d包同小食一齊食。朋友叫左擔擔麵，我就叫左芝麻醬五彩伴冷麵。佢個擔擔麵花生醬味濃而且辣辣地，好醒胃。我個個芝麻撈麵都唔錯，d芝麻醬都好掛麵，食落去一d都唔乾。黎呢到緊係要食佢既名物生煎包！佢應該係好多汁，因為我個frd食到d汁噴落我心愛既袋到😂😂😂名物果然名不虛傳。至於個迷你蟲草花雲吞雞湯，雞湯味濃，雲吞皮薄餡多，配蟲草花唔錯～佢個涼拌茄子我好鍾意，佢d茄子新鮮而且佢凍凍地好解暑終於到主角永澤同學出場！賣相好令，食落去都幾正！佢個奶黃餡都幾多而且唔甜但重奶皇味，抹茶個個餡料係紅豆蓉，睇你鍾唔鍾意食紅豆，我就ok所以覺得好味！