Video
Read full review
2022-08-09
20 views
有日係IG無意中見到呢間Burger’s Friend Forever(BFF)，立即就諗起我一個好喜歡食burger 既best friend，既然又係BFF ，咁無理由唔同佢一齊黎試吓呢間burger 啦🤣🤣~~ 開咗屯馬綫後黎啟德真係好方便, 食完仲可以去九龍城慢遊下, 一個好好既週末活動~ 餐廳走簡約水泥風格, 型格Style,而Burger 款式有好多款, 牛肉, 素食, 豚肉, 連生酮既朋友都照顧到, 真係好多款式, 又有選擇困難症了。見佢地標榜採用100%全天然美國安格斯牛肉及澳洲和牛, 咁就試吓佢地個best sales- 🔸Crispy Foie Gras Burger(鵝肝安格斯漢堡), 加配韓式炸雞粒及汽水個包加塗咗少少牛油再烘過，脆身兼且有牛油香，鵝肝配牛肉基本無得輸，鵝肝煎到少少脆，配上安格斯牛肉，入口即溶，一口內充滿牛肉汁同鵝肝既油香，香氣滿溢，加埋芝士，滿足晒食burger 既口腹之慾🤤。加配咗韓國炸雞粒，雖然食咗幾啖burger 先食佢，但都仲keep 到熱熱地，而且粉漿唔厚，啖啖雞肉👍🏻🔸Crispy Soft-Shell Crab with Fres
開咗屯馬綫後黎啟德真係好方便, 食完仲可以去九龍城慢遊下, 一個好好既週末活動~
餐廳走簡約水泥風格, 型格Style,而Burger 款式有好多款, 牛肉, 素食, 豚肉, 連生酮既朋友都照顧到, 真係好多款式, 又有選擇困難症了。見佢地標榜採用100%全天然美國安格斯牛肉及澳洲和牛, 咁就試吓佢地個best sales-
🔸Crispy Foie Gras Burger(鵝肝安格斯漢堡), 加配韓式炸雞粒及汽水
個包加塗咗少少牛油再烘過，脆身兼且有牛油香，鵝肝配牛肉基本無得輸，鵝肝煎到少少脆，配上安格斯牛肉，入口即溶，一口內充滿牛肉汁同鵝肝既油香，香氣滿溢，加埋芝士，滿足晒食burger 既口腹之慾🤤。加配咗韓國炸雞粒，雖然食咗幾啖burger 先食佢，但都仲keep 到熱熱地，而且粉漿唔厚，啖啖雞肉👍🏻
🔸Crispy Soft-Shell Crab with Fresh Avocado Burger(牛油果軟殼蟹漢堡), 加配一口芝士及汽水。
原本想減低罪惡感就想叫大啡菇burger, 但被軟殼蟹同牛油果呢個組合所吸引，忍唔住揀咗呢個，軟殼蟹炸得酥脆，牛油果用咗唔係勁熟果啲，所以口感唔會一pat嘢咁，仲食到牛油果既甜，加埋軟殼蟹，我覺得好夾。一口芝士細細粒，充滿濃郁芝士香味，一啖一粒啱啱好😋。
Post
