kikusan

Open Now

Now Closed

第一次寫review. 喺kikusan食過幾次都唔差， 啲fusion 菜幾創新同好食。 但經過今次不愉快經驗之後，就同自己講唔會再有下次。 點咗幾樣食物， 其中一個主菜係薄燒豚肉飯， 薄我明， 薄燒我都明。 但唔好燒到乾到柴皮咁。 最叻係要比廚房佬，真係要讚吓佢， 成碗飯都可以無一滴汁。 白飯一大碗，上面就擺幾塊柴皮薄燒豚肉， 再加大量蔥喺上面。 唔係諗住要個客去豉油撈飯呀 .. 好為難咁乾啃晒啲柴皮， 加幾啖飯就堅持唔到 ... 碗無汁白飯留返比廚房做宵夜又好，咩都好 .. 我無即場投訴， 個junior waiter仲好快手收咗我換白飯， 亦都無覺得有咩問題。 anyway, 發誓以後唔會再返轉頭食。