金田家 (Closed)

由於本人係個拉麵控，知道金田家響香港都開左好一段日子，但平日見到銅鑼灣果間金田家多人排隊到傻，今次係元朗見到得五六個人，終於可以有機會試下！我叫左個柚子辛口拉麵，本身聽個名覺得伏伏地（唔知點解🙈），但食落個湯底係好有驚喜，啲柚子味係意外地同個湯底好夾，同埋佢係真係有啲柚子擺左入，食落係幾fresh。但可惜既係個麵既質地就比其他日式拉麵店稍遜，食落口感唔夠彈牙。依個係我朋友叫既，佢都覺得湯底佢係整得幾好，但麵係麻麻地。