Video
Read full review
2023-04-07
52 views
假期慶祝活動：打邊爐🍲超開心好興奮🥳🥳！好難得竟然可以平日去銅鑼灣中午打邊爐！午市少人啲，套餐又抵食啲，我同朋友兩個人揀咗二人餐，埋單每人都唔使$200，抵食！午市二人餐（$299）：美人鍋(單鍋）個湯底好出色！原價都要$238鍋，所以午市食係好抵！我同朋友打邊爐前都各飲咗兩大碗湯，除咗有好多配料外，竟然仲有烏雞，烏雞煲湯係好滋潤，所以建議注重健康同養生嘅女仔都試下呢個湯底。丸餃拼盤（各2粒）包括有魚皮餃、貢丸、墨魚丸、台式蛋餃。五彩鮮蔬盤(細）雖然係細盤，但份量都好多！蔬菜都好新鮮，仲配有我最鍾意嘅冬菇同金菇。嘉美農場雞肉雞肉好嫩滑，份量十足！米線呢一盤米線我同朋友都分別食咗4、5碗，特別係食到最尾，真係超級飽，原本仲以為唔夠食，點知兩個最後都超飽🤣最後要介紹呢杯檸檬茶，超大杯！$38都幾抵飲🤣🤣整體而言，環境寬敞舒適，價錢合理，食物高水準（特別係湯底！）
超開心好興奮🥳🥳！好難得竟然可以平日去銅鑼灣中午打邊爐！午市少人啲，套餐又抵食啲，我同朋友兩個人揀咗二人餐，埋單每人都唔使$200，抵食！
午市二人餐（$299）：
美人鍋(單鍋）
個湯底好出色！原價都要$238鍋，所以午市食係好抵！我同朋友打邊爐前都各飲咗兩大碗湯，除咗有好多配料外，竟然仲有烏雞，烏雞煲湯係好滋潤，所以建議注重健康同養生嘅女仔都試下呢個湯底。
丸餃拼盤（各2粒）
包括有魚皮餃、貢丸、墨魚丸、台式蛋餃。
五彩鮮蔬盤(細）
雖然係細盤，但份量都好多！蔬菜都好新鮮，仲配有我最鍾意嘅冬菇同金菇。
嘉美農場雞肉
雞肉好嫩滑，份量十足！
米線
呢一盤米線我同朋友都分別食咗4、5碗，特別係食到最尾，真係超級飽，原本仲以為唔夠食，點知兩個最後都超飽🤣
最後要介紹呢杯檸檬茶，超大杯！$38都幾抵飲🤣🤣
整體而言，環境寬敞舒適，價錢合理，食物高水準（特別係湯底！）
Post
