張財記蝦醬

Open Now

Now Closed

黎到大澳，梗要黎張財記食蝦豬餅！蝦豬餅個名好鬼得意 (蝦豬餅係用蝦醬黎炒豬肉，再加生菜)黎到呢到已經有幾個人排緊隊。$18一件，真係有少少貴-_- 好好賺不過都係買左兩件，希望真係好味到可以彌補我心靈上既缺陷啦。呢間鋪好有系統，每人都有唔同既工作，唔會踢哂腳餅皮首先要煎到兩面金黃，我想食舊燶啲既，佢果然就俾舊燶既我DD 哈哈A_A然後就筆啲蝦醬炒豬肉，好大羹！啲員工好熟手，整兩下就搞掂，終於食得！燶既餅皮果然有點油，加上新鮮滾熱辣整好.我既手.............................. ._.有一刻唔想拎部手機出黎影，當然最後都影左一啖咬落去，啲豬肉果然好多汁，加上有淡淡蝦醬味食多幾啖有啲膩。啲生菜唔太好食，不過都可以balance返啲肉味無想像中咁正，可能我見到個價咁貴，無意中將要求提高左。但呢個全港得一間，入到大澳，確係值得一試。