Video
Read full review
2022-07-13
50 views
由於上次食過呢間嘅麻辣豬手飯印象太好，心思思想試其他，於是相隔幾日又去幫襯，今次揀咗豬頸肉飯及一款小食：涼拌雞腎嚟試，結果如標題所講，沒有期望就沒有失望。先講個飯，佢好嘅地方係豬頸肉明顯係煎，唔係炸，脆口而唔會油淋淋，而啲飯係黃色，初時我以為係雞油飯，但「bug」起時見到間中有絲狀物體，我諗到應該係啲薑嘅纖維，咁即係個飯應該係黃薑飯。問題係我食唔到黃薑嘅獨有似咖喱嘅香味，原因可能係佢落得太少，只求做到有色嘅效果，而冇要求有香嘅味道；而另一原因可能係佢用黃薑，而唔係薑黃（兩者外型似，但肉心顏色不同，黃薑色黃，薑黃色橙），所以香味冇咁出，而想效果好啲都唔難，只要加少少黃薑粉落飯度就得。至於豬頸肉呢，雖然上文話佢煎得脆身，但其實中間有幾片有幾多肥膏，而啲肥膏係唔香，而係「淋p糍糍」嘅，唔好食，其實佢只要煎之前先去咗啲肥油，我相信已經解決到問題，但花嘅時間會多啲。都係嗰句啦！$32畀你食到黃薑煎豬頸肉飯，你仲想點？收貨啦！所以我畀佢3粒星，即係一般，唔係太差。而於涼拌雞腎就真係大失所望，正所謂沒有比較就沒有傷害，佢同轉個彎起巷仔嗰間厚興瑜記嘅雞腎就差天共地，呢間無論係墊底嘅青瓜，抑式主角雞腎，
先講個飯，佢好嘅地方係豬頸肉明顯係煎，唔係炸，脆口而唔會油淋淋，而啲飯係黃色，初時我以為係雞油飯，但「bug」起時見到間中有絲狀物體，我諗到應該係啲薑嘅纖維，咁即係個飯應該係黃薑飯。問題係我食唔到黃薑嘅獨有似咖喱嘅香味，原因可能係佢落得太少，只求做到有色嘅效果，而冇要求有香嘅味道；而另一原因可能係佢用黃薑，而唔係薑黃（兩者外型似，但肉心顏色不同，黃薑色黃，薑黃色橙），所以香味冇咁出，而想效果好啲都唔難，只要加少少黃薑粉落飯度就得。
至於豬頸肉呢，雖然上文話佢煎得脆身，但其實中間有幾片有幾多肥膏，而啲肥膏係唔香，而係「淋p糍糍」嘅，唔好食，其實佢只要煎之前先去咗啲肥油，我相信已經解決到問題，但花嘅時間會多啲。
都係嗰句啦！$32畀你食到黃薑煎豬頸肉飯，你仲想點？收貨啦！所以我畀佢3粒星，即係一般，唔係太差。
而於涼拌雞腎就真係大失所望，正所謂沒有比較就沒有傷害，佢同轉個彎起巷仔嗰間厚興瑜記嘅雞腎就差天共地，呢間無論係墊底嘅青瓜，抑式主角雞腎，都完全無味，真係全靠附上嗰盒仔泰式醬汁先至有啲味，但問題係得一盒醬汁咁少，點得豬頸肉得嚟又唔夠點雞腎，咁點搞呢？而且佢啲雞腎係大雞嘅雞腎，而唔係好似厚興瑜記咁用啲雞腎仔，質地硬好多，唔好食。
另一個敗筆係啲雞腎唔係放起雪櫃雪起佢，客人要嘅時候先拎出嚟，或者佢有雪，只係雪得未夠凍都未定，總之我返到屋企時，食到嘅只係好似飲凍滾水嘅溫度，而唔係好似飲冰水嘅溫度。
總體而言，今次係失望嘅，下次我應該會試埋啲雞究竟做得點，希望唔會再失望多一次啦。估唔到上次冇影相，啲嘢好好食，今次有影相，啲嘢反而令我失望，真係印證咗無期望就無失望嘅真理。
豬頸肉飯
$32
0 views
0 likes
0 comments
泰式醬汁
2 views
0 likes
0 comments
涼拌雞腎
$22
9 views
0 likes
0 comments
Post
