華御結

Open Now

Now Closed

鰂魚涌站C出口 （「香港大酒店」一帶）一直都係美食沙漠，係呢頭可謂無啖好食。終於，華御結黎打救呢度啦！華御結晌正C出口，舖位前身係「空氣麵包」，位置其實相當優越。早餐時間，經常大排長龍，始終呢頭既早餐店，只有新鳳凰，華御結，Pret，同空氣麵包既阿媽，「一千零一十」。華御結用既係日本米，質素固然有保證。微甜，小小煙韌，日本米係的確好𡁻既！佢哋既飯團🍙涵，我覺得都比其他香港既飯團好食。之前我很喜歡食明太子沙律，真係粒粒明太子，咬落有機會爆漿 🤪，但自明物屢次加價後，差唔多價錢，我就開始改食本格和風燒牛肉，只係多$1，就就食到啖啖有燒汁加持既牛肉，而且燒汁沁入飯團內，同明太子比有過之而無不及。最近，佢哋推出自家製既飲料，今日試左佢哋既牛奶咖啡，淡淡既牛奶甜味，不過咖啡明顯係用平時酒店buffet量產既水汪汪咖啡，無咩咖啡味，一般啦。但要留意一點，華御結同麥記一樣，實行價錢地區分級制，呢間華御結，比九龍果邊，普遍食物貴$1。