杉玉 (沙田中心)

Open Now

Now Closed

今日同女友係沙田行街，行到攰既時間，想搵間餐廳坐下，咁岩係沙田中心見到一間裝潢好靚既日本餐廳，原來係日本迴轉壽司過江龍 壽司郎的姊妹店 -- 杉玉。見到門口有下午茶餐牌就決定入去試下啦。我地叫左個兩個下午茶餐 同 一個小食。炸蝦天婦羅烏冬 + 三文魚刺身  $ 45 ，份量以下午茶黎講岩岩好，炸物炸得好乾身唔會好油膩，刺身亦都好新鮮。炸蝦天婦羅烏冬 + 池魚壽司  $ 35，本身係配腐皮烏冬，可以免費轉炸蝦天婦羅烏冬，池魚都係好新鮮。灸燒長鰭大吞拿魚腩拌柑橘醋 $ 25，酸酸甜甜好fresh好開胃，吞拿魚都有灸燒過帶出更多既鮮美。宜家係香港要搵咁平既下午茶已經好困難，仲要坐得舒服，味道又好，真係好難得，十分推介，下次都會想黎試埋晚餐唔同既菜式。