Video
Read full review
2022-10-25
1544 views
新城市廣場底層好多餐廳 今次來到呢間泰式cafe 見到出面有蟹肉奄列覺得好吸引 而且menu入面仲有好多意式嘅pasta之類 不過可能因為落場關係人手太少唔係好忙到過來🍳啖啖蟹肉奄列💰118係餐牌見到真係覺得超級吸引！望落個奄列好似好細咁 其實蛋含量應該超高🤣除左面頭嘅小小蟹肉之外 其實蛋入面都有超多蟹肉內餡！不過食耐左會有D漏 全部都係蛋味 有小小鹹 但係有茄汁可以店 會清新D🤏🏻🍤脆炸芋頭及粟米粒💰68見到覺得好新奇！勁少係泰式餐廳見過呢種 佢炸到出面有層脆皮 入面就係一粒粒嘅芋頭同粟米粒 但係會好似一塊餅狀 整體甜甜地 而且有脆得來唔油膩 點上泰式酸辣醬更加惹味～🍢豬肉沙嗲配印度薄餅💰68豬肉串只有兩串 肉質唔錯幾嫩易咬 點上沙嗲好正 仲有兩串甜椒同青瓜 配落特別清新🤣 好推薦呢個印度薄餅 一大塊可以撕開做兩份 唔係個隻脆嘅質地 而係軟淋淋但係feel到有牛油嘅酥香 扯開個陣會有好薄嘅一層層麵皮 超香！🍲冬陰功配意大利雲吞💰128本身想飲冬陰功湯 不過淨係得呢隻或者湯河粉 覺得冬陰功同意大利雲吞嘅搭配好特別 一般意大利雲吞都係用意粉煮法冇見過係湯入面🤣蝦肉好大 汁水飽滿 湯底有小
新城市廣場底層好多餐廳 今次來到呢間泰式cafe 見到出面有蟹肉奄列覺得好吸引 而且menu入面仲有好多意式嘅pasta之類 不過可能因為落場關係人手太少唔係好忙到過來
🍳啖啖蟹肉奄列
💰118
係餐牌見到真係覺得超級吸引！望落個奄列好似好細咁 其實蛋含量應該超高🤣除左面頭嘅小小蟹肉之外 其實蛋入面都有超多蟹肉內餡！不過食耐左會有D漏 全部都係蛋味 有小小鹹 但係有茄汁可以店 會清新D🤏🏻
🍤脆炸芋頭及粟米粒
💰68
見到覺得好新奇！勁少係泰式餐廳見過呢種 佢炸到出面有層脆皮 入面就係一粒粒嘅芋頭同粟米粒 但係會好似一塊餅狀 整體甜甜地 而且有脆得來唔油膩 點上泰式酸辣醬更加惹味～
🍢豬肉沙嗲配印度薄餅
💰68
豬肉串只有兩串 肉質唔錯幾嫩易咬 點上沙嗲好正 仲有兩串甜椒同青瓜 配落特別清新🤣 好推薦呢個印度薄餅 一大塊可以撕開做兩份 唔係個隻脆嘅質地 而係軟淋淋但係feel到有牛油嘅酥香 扯開個陣會有好薄嘅一層層麵皮 超香！
🍲冬陰功配意大利雲吞
💰128
本身想飲冬陰功湯 不過淨係得呢隻或者湯河粉 覺得冬陰功同意大利雲吞嘅搭配好特別 一般意大利雲吞都係用意粉煮法冇見過係湯入面🤣蝦肉好大 汁水飽滿 湯底有小小辣 仲有D蘑菇 但係意大利雲吞就一般 入面係蝦肉 皮好薄 個人都係鍾意creamy口感🤏🏻
🍝帶子、蘆筍、香草寬麵
💰158
呢個望落似青醬 有四隻帶子同一D蘆筍 青醬有小小結結地 撈勻意粉先比較出味 不過唔算特別出彩
其實望落menu有好多菜式 泰式同意式都分開左兩本咁 可能下次會試下三文治夾餅個D！
📌 Greyhound Café (新城市廣場) (沙田)
沙田沙田正街18號新城市廣場一期1樓103A舖
Post
