魚塘鴨子 (Closed)

補返前排既食評，果陣仲可以四人限聚，又突然想食北京烤鴨，就book左呢間餐廳同朋友仔慶祝生日。於是我地叫左個四人餐，價錢都算抵，四個人食都係888未加一。頭盤係個沙律，不過佢地已經轉左菜單。但係記憶中個沙律都幾新鮮好味。另外就上左個醉雞卷，其實第一次食咁樣卷埋一齊既醉雞，食落凍凍地，啲肉都算係鮮嫩，不過個人覺得好似鹹左dd。另外就係片皮鴨，算係比較傳統正宗既食法，個人最鍾意用鴨皮醮白砂糖食，鴨肉算嫩，不柴。不過本人之前試過好多烤鴨，呢個算中規中矩，冇好突出既味道，但係都算合格，係香港係可以一試既。跟住就係另外一個招牌菜小籠包，呢個不錯，湯汁又濃又鮮甜，小籠包皮好薄，算係有誠意既一道菜。跟住個魚擺盤有啲求其，味道不過不失。甜品都係一般般，唔算好出色。總體來講整體唔算特別貴，但係整體食物質素都係一般，唔會係果種令人回味無窮既餐廳。