棋哥燒鵝 (Closed)

之前朋友在另一區食過這間叫棋哥燒鵝話十分好味又抵食，見到尖沙咀都有今次就和先生一起來吃，七點多都有不少人食晚餐，以燒味為主但都有麵包常餐之類，我們二人當然就吃一個二人套餐。首先來的是棋哥燒鵝例牌，勁大份量十分香，皮帶脆不太油身，仲有點煙燻味十分特別，肉十分嫩滑比較少見。單拼燒味有六款我就要了豉油雞例牌，咸度剛好雞肉嫩又滑。今日油菜是菜心好新鮮又冇渣好味道，蠔油都幾鮮味。有粉和飯我們就要了二個白飯勁大碗，最後我仲要吃不完已十分飽肚。可以飲湯和冰熱飲品，最後一款一個，湯好大碗又多料，好清甜十分好味道，飲品凍檸檬茶茶底都不錯又夠酸不太甜幾好。