Video
Read full review
2023-07-13
1193 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗呢間水母主題餐廳我已經 bookmark 咗好耐，開頭係被佢嘅浪漫情調吸引，用餐之後，發現唔係浪漫咁簡單，係有治癒嘅感覺，點解？因為日常生活好急速，尤其響香港，行慢D 都俾人歧視，但係嚟到呢間餐廳，望住水母好悠然自得暢泳咁食飯，嗰種安閑舒適平靜感，真係好治癒！我特別被對面檯嘅太平洋海刺水母深深吸引～🍴炒番茄汁天使麵配龍蝦尾（$298）呢個係店員推介，新menu！睇返之前嘅menu，係用大虎蝦，新menu 轉咗用龍蝦尾。賣相精緻，一大片龍蝦肉放響龍蝦尾上面，龍蝦肉煮得啱啱好，非常新鮮爽口juicy，帶有淡淡海水味，最好嘅係啖啖肉，完全唔需要自己切出嚟。天使麵煮到 al dente，每條麵都包到香濃番茄味嘅醬汁，正呀！🍴美式香烤豬肋骨配雜菜薯條 - 細（$288）叫咗細 size 發現一D 都唔細，美式醬汁少少辣好惹味，豬肋骨已經煮到骨肉分離，最重要係一D 雪味都feel 唔到，真係finger licking good！最衰係響咁嘅環境情調之下唔會用手食，如果唔係，我應該係用手食完仲要舔埋手指嗰種😂🍴至尊浩海甜品拼盤（$428）呢個有5
回頭指數 ⭐️⭐️⭐️⭐️
開心指數🤗🤗🤗🤗🤗
呢間水母主題餐廳我已經 bookmark 咗好耐，開頭係被佢嘅浪漫情調吸引，用餐之後，發現唔係浪漫咁簡單，係有治癒嘅感覺，點解？因為日常生活好急速，尤其響香港，行慢D 都俾人歧視，但係嚟到呢間餐廳，望住水母好悠然自得暢泳咁食飯，嗰種安閑舒適平靜感，真係好治癒！我特別被對面檯嘅太平洋海刺水母深深吸引～
🍴炒番茄汁天使麵配龍蝦尾（$298）
呢個係店員推介，新menu！睇返之前嘅menu，係用大虎蝦，新menu 轉咗用龍蝦尾。賣相精緻，一大片龍蝦肉放響龍蝦尾上面，龍蝦肉煮得啱啱好，非常新鮮爽口juicy，帶有淡淡海水味，最好嘅係啖啖肉，完全唔需要自己切出嚟。天使麵煮到 al dente，每條麵都包到香濃番茄味嘅醬汁，正呀！
炒番茄汁天使麵配龍蝦尾
$298
26 views
0 likes
0 comments
🍴美式香烤豬肋骨配雜菜薯條 - 細（$288）
叫咗細 size 發現一D 都唔細，美式醬汁少少辣好惹味，豬肋骨已經煮到骨肉分離，最重要係一D 雪味都feel 唔到，真係finger licking good！最衰係響咁嘅環境情調之下唔會用手食，如果唔係，我應該係用手食完仲要舔埋手指嗰種😂
美式香烤豬肋骨配雜菜薯條
$288
18 views
0 likes
0 comments
🍴至尊浩海甜品拼盤（$428）
呢個有5款甜品，我嘅排名係：
🥇日本燒芝士熔岩蛋糕
呢款個面係有脆脆焦糖，一下敲落去感覺好爽！芝士好 creamy 幼滑，唔太甜，芝士香得嚟唔會感覺到膩。
🥈朱古力布朗尼配特濃朱古力醬
呢個有濃濃嘅朱古力味，我雖然不斷提醒自己呢件嘢會肥死人，但都食到停唔到！
🥉法式歌劇院蛋糕
呢個相對朱古力 brownies 輕盈一D，蛋糕應該係浸咗expresso 嗰種嘅黑咖啡，令到蛋糕好濕潤，食落唔會甜到漏～
🍰橙香芝士蛋糕
🍡三粒macaron
至尊浩海甜品拼盤
$428
11 views
0 likes
0 comments
🍴Crazy Berry's（$98）
由4款新鮮生果：Strawberry、Blueberry、Raspberry、Cranberry 打成嘅沙冰飲品，酸酸甜甜好清新開胃。
餐廳除咗每檯都有唔同品種嘅水母陪住食飯之外，仲有好多位可以打卡影相，每檯客人都會離檯去影相，我都等到對面檯嘅客人走咗，先可以同太平洋海刺水母影返張合照😂職員服務態度好好，檯同檯之間空間十足，入口位會拉上厚厚嘅布簾，有一種沉浸式嘅水母館用餐體驗，好值得嚟體驗一下！
☆My IG @tracyloveliving ☆
Post
