Video
Read full review
2022-09-22
842 views
同朋友嚟到灣仔區食飯，想搵啲有特色又環境唔錯嘅餐廳，所以就揀咗La Creperi，由於我係第一次食法國🇫🇷菜，所以事前都做咗少少準備功夫，了解一下有咩食😋😋La Creperi 係一間專食Crepe(可麗餅）嘅餐廳，基本上除咗pasta之外，每款菜都有塊薄餅做底。多數人會形容可麗餅有鹹/甜食，雖然都係煎餅，但其實係兩款餅嚟，粉漿成份不同，口感上會亦有差異。La Creperi 嘅鹹食(Galette)餅感較甜食(Crepe)薄及脆。而crepe口感就似似地好薄嘅pancake，比較煙靭同軟身。唔講咁多，即刻睇吓當晚我哋食咗啲咩～～當日我哋叫咗個Party set for 3/4, 一枝蘋果酒及Lobster pasta。蘋果酒酒精濃度4.5%，朋友們覺得似果汁🍹，都幾好飲嘅。而法國可麗餅來源地會用好似碗嘅杯飲酒，所以餐廳都係用碗仔飲酒🍻。Starters：Blinis煙三文魚整成玫瑰花形狀，中間夾住mascarpone cheese，用咗Galette餅做底。一啖食哂落肚，三文魚好香，鹹度適中，配合埋芝士同少少脆嘅薄餅，好食😋推介👌🏻Octopus carpaccio 薄切生八爪魚🐙
La Creperi 係一間專食Crepe(可麗餅）嘅餐廳，基本上除咗pasta之外，每款菜都有塊薄餅做底。多數人會形容可麗餅有鹹/甜食，雖然都係煎餅，但其實係兩款餅嚟，粉漿成份不同，口感上會亦有差異。La Creperi 嘅鹹食(Galette)餅感較甜食(Crepe)薄及脆。而crepe口感就似似地好薄嘅pancake，比較煙靭同軟身。
唔講咁多，即刻睇吓當晚我哋食咗啲咩～～
當日我哋叫咗個Party set for 3/4, 一枝蘋果酒及Lobster pasta。
蘋果酒酒精濃度4.5%，朋友們覺得似果汁🍹，都幾好飲嘅。而法國可麗餅來源地會用好似碗嘅杯飲酒，所以餐廳都係用碗仔飲酒🍻。
78 views
0 likes
0 comments
Starters：
Blinis
煙三文魚整成玫瑰花形狀，中間夾住mascarpone cheese，用咗Galette餅做底。一啖食哂落肚，三文魚好香，鹹度適中，配合埋芝士同少少脆嘅薄餅，好食😋推介👌🏻
31 views
1 likes
0 comments
Octopus carpaccio
薄切生八爪魚🐙，再淋上橄欖油檸檬汁。真係好薄唔靭，個汁似加咗少少醋，但似熟嘅八瓜魚，生嘅應該透明啲？！我幾鍾意佢鹹鹹酸酸嘅汁，可以帶出八爪魚味。
68 views
0 likes
0 comments
Main：
Lobster salad
龍蝦沙律（呢個佢哋當前菜同starters一齊上枱）龍蝦肉好彈牙，全碟大約有8-10舊。沙律菜正常幾新鮮，蕃茄仔唔酸👍🏻，西柚仲好甜，沙律醋亦好好味。如果覺得太鹹，建議加埋餅底一齊食，由於中間有沙律汁浸到，餅會林咗，鍾意食脆嘅可以食邊位嘅餅底。
34 views
0 likes
0 comments
La Marin
白酒汁帶子蘑菇煙肉餅，白酒汁好creamy，配合餅底一齊食冇咁油膩同鹹，可平衡返忌廉質感帶膩口感😋。帶子比相片細粒，煎得夠香好食嘅。不過啲帶子似係想令呢款菜賣貴啲而加落去咁😂
28 views
0 likes
0 comments
Truffle pasta
黑松露扁意粉，上菜時超香，但食落有啲失望，好普通嘅意粉，冇咩驚喜，不過不失。
21 views
0 likes
0 comments
Lobster pasta
呢個龍蝦意粉係我特登加，因為網上評語唔錯，所以就叫咗。不過大為失望，首先龍蝦肉未及沙律個啲咁好食同多，而蕃茄汁亦好淡冇咩味，加上意粉唔掛汁，食落就更加失色，其實睇相都見到冇咩色…連埋加一成$200一碟嘅意粉，我唔建議🥱
16 views
0 likes
0 comments
Dessert：
La Defi
焦糖雪糕香蕉可麗餅，佢係拖肥焦糖，加埋香蕉及可麗餅可以中和甜度，鍾意甜食及焦糖嘅人一定鍾意❤️，推薦推薦！
21 views
0 likes
0 comments
La Sexy Suzette
芒果雪芭配檸檬醬橙酒可麗餅，首先揀佢因為佢有火睇😂，有show睇可以加分，另外佢係酸味可麗餅，同焦糖一齊食就可達到解膩做用。但唔知係咪因為燒到青檸皮嘅關係，部分醬係苦嫁🤮搞到其中一位朋友唔敢再食，建議可以刮走少少醬同加埋芒果雪芭一齊食，都幾好食嘅，但我會推薦焦糖多啲。
La Sexy Suzette
23 views
1 likes
0 comments
關於服務方面，鍾意佢哋上菜就返客人，先上starters, 等到你食哂/食到咁上下先上main, 最後再慢慢上甜品。當然你食得快都可以要求佢哋上快啲，但我就鍾意慢慢食，飲下嘢傾下偈咁。同埋斟水都好密，唔會懶懶行
最後餐廳環境同預期差唔多，因為入座時已有其他客人，不便拍照，網上有好多相大家可以參考下。座位唔會太窄，坐得都幾舒服，枱與枱之間亦唔會太逼，當晚餐廳得4-5枱客，所以好靜，好適合一班人慢慢傾住偈食。總括而言，推介大家一試，因為價錢合理而且質素不錯
Post
