Bread, Espresso & (Closed)

早前的一個星期二，特地約埋朋友一早去排3點出爐限量嘅法式多士～ 先講一下排隊安排，我地2點半招牌左右已經到，見未有人龍就先喺店內坐，等左一陣就見店員喺店門外放柱俾人排隊，於是我地就出去排隊，然後店員見到就話應該唔多人排，叫我地入返店內坐就得；點知等多一陣門外開始有人排，店員就同店內等緊嘅人講要出去排，結果我地本來可以排第一，最後變第九雖然都唔會買唔到，但係安排一時一樣希望以後可以訂規則而唔係由店員隨便決定洗唔洗排。講返個法式多士～ 可單點或者跟咖啡，相差$30左右，喺櫃位買完就坐埋位等上菜，飲品就要自己拎；金黃色嘅法式多士上面有糖霜，店員建議先試原味，然後可以去櫃位拎蜜糖加埋一齊食，其實原味已經夠甜，加埋蜜糖係會更香，不過略嫌太甜，有d膩，要花d時間先可以ko佢，果日食完到夜晚都唔太餓～ 結論係唔會再嚟排多士了～另外隔離位有2對前後嚟到嘅客人，唔知係咪因爲比較先到嘅客人調過位，反而遲來果對客人個多士到先，佢地立即問店員，但係店員只係講佢跟號碼上菜就了事，感覺有d無禮貌；整體嚟講其他店員都唔算好有禮貌同比較冷淡，服務實在有待改善呢