Video
Read full review
2024-07-28
204 views
第二次幫襯，上次去灣仔利東街分店坦言當時覺得佢個北海道帶子蟹肉可麗餅麻麻哋事隔三年，睇吓佢有冇進步先🤫叫咗兩個鹹crepe+一個main▶️ 煙三文魚牛油果可麗餅 Smoked salmon and avocado crepe ($138)上面有個靚靚花形煙三文魚，好有心思餡料係熟煙三文魚碎加牛油果片，配上粒粒feta cheese煙三文魚夠鹹，遍布成個crepe超足料，唔需要特別醬汁調味😋牛油果好香好熟🥑入口即溶Feta cheese夠creamy，似cream cheese質地，同煙三文魚絕配Crepe皮薄身但夠軟熟煙靭👍🏻本身味道甜甜地 (唔知點解食到香蕉味🤣)每款都有大量mozarella cheese打底🧀即食會有拉絲，可惜攤凍之後變硬咗食晒成個夠飽肚有質感▶️ 烤牛肉可麗餅 Roasted beef crepe ($138)朋友揀選嘅口味🐂同樣超級足料，入面真係鋪滿一片片薄切牛肉😧配上焦糖化洋蔥絲同生菜牛肉有新鮮牛味，但略嫌硬咗少少，要咀嚼多幾下然而醬汁調味合適，唔會太dry▶️ 法式焗波士頓龍蝦配薯蓉 Boston Lobster Thermidor with mashed p
坦言當時覺得佢個北海道帶子蟹肉可麗餅麻麻哋
事隔三年，睇吓佢有冇進步先🤫
叫咗兩個鹹crepe+一個main
▶️ 煙三文魚牛油果可麗餅 Smoked salmon and avocado crepe ($138)
上面有個靚靚花形煙三文魚，好有心思
餡料係熟煙三文魚碎加牛油果片，配上粒粒feta cheese
煙三文魚夠鹹，遍布成個crepe超足料，唔需要特別醬汁調味😋
牛油果好香好熟🥑入口即溶
Feta cheese夠creamy，似cream cheese質地，同煙三文魚絕配
Crepe皮薄身但夠軟熟煙靭👍🏻本身味道甜甜地 (唔知點解食到香蕉味🤣)
每款都有大量mozarella cheese打底🧀即食會有拉絲，可惜攤凍之後變硬咗
食晒成個夠飽肚有質感
煙三文魚牛油果可麗餅
$138
125 views
0 likes
0 comments
▶️ 烤牛肉可麗餅 Roasted beef crepe ($138)
朋友揀選嘅口味🐂
同樣超級足料，入面真係鋪滿一片片薄切牛肉😧
配上焦糖化洋蔥絲同生菜
牛肉有新鮮牛味，但略嫌硬咗少少，要咀嚼多幾下
然而醬汁調味合適，唔會太dry
烤牛肉可麗餅
$138
60 views
0 likes
0 comments
▶️ 法式焗波士頓龍蝦配薯蓉 Boston Lobster Thermidor with mashed potatoes ($328)
呢個真係嘩出聲😍
龍蝦超巨型！啱啱焗起仲冒煙
龍蝦開邊上，面頭佈滿大量金黃拉絲芝士🧀
製作功夫多，醬汁由牛油、淡忌廉、車打芝士煮成，加入洋蔥粒、三色椒🫑
混入剁碎龍蝦肉，再放回龍蝦殼
灑上大量芝士後攞去烤焗，最後淋上香草同檸檬汁作結
法式焗波士頓龍蝦配薯蓉
$328
8 views
0 likes
0 comments
食落好重芝士同忌廉味🧀食到真龍蝦肉嘅同時會咬到爽脆嘅洋蔥同青椒
全部嘢好融為一體，相當夾味
第一次試呢度菜，好好食好特別
唯一係heavy少少🤏🏻容易滯啲
下面嘅薯蓉帶牛油香，食到少許薯仔粒🥔真材實料
另外仲有兩條有機巨型紅蘿蔔🥕(可惜我同朋友都唔鍾意紅蘿蔔🙈)
值得一試，比較少餐廳肯花功夫製作呢度菜
-
Crepe做得唔錯，改變咗我嘅first impression😌(又或者係分店問題)
有驚喜係龍蝦🦞邪惡得來好惹味
食物賣相講究，影相打卡一流
服務超好🥹男侍應好nice咁同我哋傾偈，臨走前仲提我哋小心地滑 (因為收舖啱啱拖完地)
我哋係最後一台客，食完坐多陣都冇吹我哋走，非常良好嘅服務態度
上環分店比灣仔好坐，比較新淨
性價比可以，大概$350/人，貴起隻龍蝦，但質素對得住價錢🥰
香港唔係好多地方有得食crepe! 所以把握機會試吓啦～
Post
