Video
Read full review
2021-02-20
957 views
炸物唔錯！好味在後頭 甜品最好食🤤﹣﹣﹣﹣﹣﹣﹣﹣﹣﹣﹣﹣﹣﹣﹣﹣本身要係商場買嘢，黃嘅選擇其實唔多，諗住是但求食完就行街見呢間唔多人排就決定食佢，等緊位個陣已經諗好食乜😬▷牛油蜜糖芥末鍋燒黑椒炸雞 $38不嬲唔好炸嘢，但呢個炸雞唔錯～ 夠熱夠脆，之不過炸皮有少少硬得滯，似再返炸咁。雞件咬開中間有汁，而且雞肉有黑椒味，夾埋墊底嘅洋蔥一齊食都幾惹味！﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷一人前套餐 $108▶沖繩天婦羅．牛肉壽喜燒烏冬▷花之雪糕冬甩．黑糖菊花茶沖繩紫薯春卷(2件)黑椒酥脆雞(2件)洋蔥蓉圈(4件)蕃薯條我而家打返先發覺冇畀到炸雞我😲 唔怪之得個擺盤有一邊吉咗咁🤔 雖然其他炸物有畀多啲，但係個陣都冇人同我地講過冇炸雞！！😾 算了。。。其實啲炸物係好食，三款都好脆口而且炸皮唔硬，紫薯同蕃薯都好甜下，洋蔥圈相對重口味但都甜～不知不覺食完一舊接一舊，停唔到口個隻！牛肉烏冬都可以，牛味濃幾有質素，作為套餐個碗主要用嚟填肚嘅烏冬嚟講，好食都算係咁～最後同黃先生大讚繼而爭食嘅甜品─海鹽焦糖冬甩雪糕，個冬甩好似我超鍾意食嘅冬甩先生個款波堤，配埋雪糕同淋上好似咖哩嘅自家製沖繩海鹽，黃色個堆係吉
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
本身要係商場買嘢，黃嘅選擇其實唔多，諗住是但求食完就行街
見呢間唔多人排就決定食佢，等緊位個陣已經諗好食乜😬
▷牛油蜜糖芥末鍋燒黑椒炸雞 $38
不嬲唔好炸嘢，但呢個炸雞唔錯～ 夠熱夠脆，之不過炸皮有少少硬得滯，似再返炸咁。
雞件咬開中間有汁，而且雞肉有黑椒味，夾埋墊底嘅洋蔥一齊食都幾惹味！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▷一人前套餐 $108
▶沖繩天婦羅．牛肉壽喜燒烏冬
▷花之雪糕冬甩．黑糖菊花茶
沖繩紫薯春卷(2件)
黑椒酥脆雞(2件)
洋蔥蓉圈(4件)
蕃薯條
我而家打返先發覺冇畀到炸雞我😲 唔怪之得個擺盤有一邊吉咗咁🤔 雖然其他炸物有畀多啲，但係個陣都冇人同我地講過冇炸雞！！😾
算了。。。其實啲炸物係好食，三款都好脆口而且炸皮唔硬，紫薯同蕃薯都好甜下，洋蔥圈相對重口味但都甜～不知不覺食完一舊接一舊，停唔到口個隻！
牛肉烏冬都可以，牛味濃幾有質素，作為套餐個碗主要用嚟填肚嘅烏冬嚟講，好食都算係咁～
最後同黃先生大讚繼而爭食嘅甜品─海鹽焦糖冬甩雪糕，個冬甩好似我超鍾意食嘅冬甩先生個款波堤，配埋雪糕同淋上好似咖哩嘅自家製沖繩海鹽，黃色個堆係吉士醬啲fd
簡單但個配搭好好好好味！總結，唔錯唔錯，下次經過都會再食😙💛
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
✐
@antoshimohk
✐
Antoshimo Cafe & Bakery
荃灣青山公路荃灣段398號愉景新城1樓1066號舖
新蒲崗太子道東638號Mikiki 地下G05B號舖
鑽石山龍蟠街3號荷里活廣場1樓182號舖
九龍灣宏照道38號Megabox10樓6號舖
油塘高超道38號大本型2樓211號舖
Post
