泰濃麵 (蘭芳道) (Closed)

平日比較少行去白沙道同蘭芳道嗰邊，sogo同times square直行直過🤣今日難得兜左入去，發現條街好多新既食肆小店，聽到呢間播住泰文歌就衝左入去。睇一睇餐牌，小店比起大集團餐廳選擇當然無咁多，不過夠就得啦😊嗌完之後啲野食秒速上左😲卜卜蜆冬蔭公湯麵雖然係冬蔭公湯，但係唔算好辣，而且湯底已經包左蝦同青口，非常足料！泰式豬手呢個炆得好腍好腍好腍！連皮食個膠質係會痴咀🤩泰式炸蝦餅呢個相對比較一般，但係勝在新鮮即炸出爐，熱辣辣👍🏻泰式香茅斑蘭梳打特飲呢個超特別，令我捨棄平時最愛既椰青🤣大少表示有香茅同斑蘭味，出面街無架！