阿閒泰 (世貿中心)

Open Now

Now Closed

最近口痕想食泰菜，腦海中立即想起上次世貿果間，環境幾好，可翻食。餐牌上的食物都有啲唔同咗，今次又可以食下其他野。泰式香葉肉碎蘑菇沙律 $88傳統生菜包以外的新體驗，以脆蝦片代替生菜，爽脆口感再提升。肉碎中亦加入蘑菇令口感更豐富。食之前再加檸檬汁更開胃。炭燒帶子冬陰功湯河 $108如果鐘意食冬陰功既辣，呢個會滿足到你。湯頭酸中帶辣，而且仲有炭燒帶子，冬陰功湯少有。最後建議試下要卷粉，吸晒湯，做到湯粉合一。泰式鹹蛋黃金單骨雞翼 $78十隻骨雞翼感覺都幾多，表面沾滿鹹蛋黃醬，怕膩仲有個泰式酸辣汁比人平衡一下。烤原個椰菜花配青咖喱醬 $78印度薄餅 $28原個椰菜花唔講得少，好有份量。烤焗令香味更突出，而且配青咖喱醬，滋味好食，可以加配印度薄餅，一菜兩食。椰汁芒果黑糯米飯 $78精緻的賣相令你重新認識芒果黑糯米飯。脆糖漿可提升甜道，彷彿令人忘記芒果的甜，而豐富的咬口更遠超想像。