亞萊嘜嘜 (Closed)

之前聽過好多元朗嘅朋友介紹呢間泰國菜，終於有機會親身試吓，呢一間泰國菜位於元朗大馬路，位於yoho mall II （即舊稱新元朗中心）斜對面，可以於元朗西鐵站步行約5分鐘。店舖門面不是很豪華，但外面都唔少人嚮度等位，店入面分上下兩層，兩層都設有不少座位。同朋友嗌左幾樣餸，小食拼盤、生菜包、炭燒豬頸肉、馬介休炒通菜、菠蘿炒飯，另外點左椰青、三色冰同龍眼冰🤤味道黎講我覺得中上水平，特別想介紹下嘅係炭燒豬頸肉，啲豬頸肉燒到剛剛好，沒有焦味，而且食落好爽口彈牙，點埋個醬汁真係食唔停口👍之後想介紹嘅係菠蘿炒飯，佢個菠蘿炒飯非常足料，啲飯炒得好均等唔會話有黏埋一舊嗰種情況，而且佢用個菠蘿外殻盛住，外觀都值一半分數！最後建議大家可以嗌個椰青飲下食下，佢個椰青好大個，兩隻手都包唔住啊😍飲完仲有椰青肉食下，真係食椰肉都飽！