泰好記

Open Now

Now Closed

餐廳：泰好記地點：旺角通菜街菜式：泰國菜餐牌：午餐主菜21選1，可以加$12選擇小食一款，送熱柚子蜜/汽水，或者加$3轉泰式凍奶茶、咖啡、檸檬茶，或者加$8轉特飲。選擇好多。泰式海南雞配油飯 $62 另加一泰式海南雞好多件，啖啖肉，有雞胸肉又有雞脾肉，墊有生菜一片，伴有酸甜紅白蘿蔔條。另上酸辣醬汁更惹味。油飯好大碗飯，雞油味適中，濕潤度剛好。冬蔭功湯河 $54 另加一冬蔭功湯河大大碗，河粉幼身滑溜，個湯酸辣度適中，唔會太辣。配料有去殼蝦三隻，車厘茄，秀珍菇，雲耳絲，生菜，蔬菜量唔少等等。馬拉盞豬頸肉炒粉絲 $62 另加一馬拉盞豬頸肉炒粉絲好大碟，滿滿粉絲撈埋豬頸肉，芽菜，蛋絲，蔥段，椰菜，紅蘿蔔片同炒，好有鑊氣，味道唔錯，唔會太油。豬頸肉都唔會太肥。追加小食好抵。串燒 加$12 另加一串燒包括豬雞各一串。燒得唔錯，好多肉食，味道唔錯，墊有椰菜絲同紅蘿蔔絲解膩，另配沙爹醬。泰式鳳爪 加$12 另加一泰式鳳爪都唔細碟，有鳳爪大概7隻左右，伴有生菜，洋蔥絲，芹菜，紅蘿蔔絲，味道非常辣。木瓜沙律 加$12 另加一木瓜沙律係爽口木瓜絲配紅蘿蔔絲，豆角加車厘茄，加有花生碎同辣椒，配有青檸，墊有一片