泰金鍋

Open Now

Now Closed

天氣咁凍，打邊爐就最啱！今日就去咗荃灣海之戀商場嘅泰金鍋任食放題。八款湯底，四款套餐，價錢$200-400，仲有活蝦放題，可以食幾多就睇下大家嘅手氣同運氣捉到幾多嘞！今晚一人一鍋揀咗青檸椰奶雞湯鍋藥膳豬骨白湯鍋。藥膳豬骨白湯鍋，用料足、豬骨味濃；青檸椰奶雞湯鍋有濃濃香茅同青檸香，酸酸甜甜又有椰奶香味，特別開胃！肚餓又未捉到蝦，可以先食住熱葷。呢度種類好多：海南雞、泰式油飯、炒飯、蝦餃、蟲草花燒賣、流沙包同合桃包，真係應有盡有。又可以試埋泰式奶茶同香茅水，都好香好好飲。仲有糖水、小食、水果同雪糕雪條。酒水都有好多選擇，一定可以揀到啱心水。今次叫咗C餐，食澳洲產M6和牛餐，牛味香濃，點埋泰式邊爐醬甜甜地辣辣地，更加惹味。牛胸爽同牛舌都好爽口。特別喜歡西班牙伊比亞豚肉，肉味香又唔會韌，打邊爐一流。仲有日本扇貝、泰式炸蝦餅、泰式沙嗲串燒同燒菠蘿，包羅萬有，足120分鐘有得食有得玩，最適合一家大細，過節慶生嚟刷返餐。