AEON Supermarket

Open Now

Now Closed

屋企人喺Aeon熟食區買飯返嚟做晚餐。冇記低餐嘅名同價錢，應該係$30-40，包紙包/罐裝飲品。腩肉係好肥，但好食~就算未淋泰式辣椒醋，腩肉已經夠晒入味，肉質唔韌，肥肉位爽口又有少少煙韌，食咗都唔覺得漏。黃薑飯都好香，鹹鹹地唔落餸都好正。腩肉跟嘅醬汁係酸酸辣辣嘅，淋落腩肉度就有返啲清新感覺。雞嗰度我覺得可以熟啲，因為我好驚骨側邊嗰啲血腥味，而且我自己唔太介意雞「鞋」身。個汁冇腩肉嗰個咁酸。比較起嚟會鍾意腩肉嗰盒飯多啲。另外仲買咗沙律，貪得意試吓牛油果。但原來就咁食係好怪...寧願食M記嗰個包XD 牛油果唔係我杯茶。