Video
Read full review
2024-06-29
7416 views
特色泰式火鍋放題，環境都算光猛。肉類同部分小食喺經網站落單，其他大部分自助區夾，由飲品、調味、冷盤、熱食、甜品等。 上菜都算快，自助區都會Keep住補，所以都食得爽快嘅。➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ 🔥 [ 𝟏𝟐𝟎分鐘 澳洲產 選肩胛牛小排 𝐁餐 ]🥢 [ 𝐇𝐊$𝟐𝟔𝟖 (黃金時段) | 𝐇𝐊$𝟐𝟑𝟖 (優惠時段) ]🥘 < < 湯底 > >湯底嘅口味都好有東南亞特色我就食咗馬來娘惹叻沙 x 青檸椰奶雞湯。 喇沙口味比較香濃，椰奶口味就比較甜滑，另有一番風味。不過加湯係用上湯，所以食到最後個湯底就開始無咁重口味。🐃 < < 肉 類 / 活 蝦 / 蔬 菜 / 丸 類 > > 嚴選特級牛胸腹、丹麥產皇冠豚梅肉、澳洲產極選肩胛牛小排、澳洲產草飼羊肩肉、美國產下肩胛肉眼。 呢個價錢黎講，整體肉類不過不失，有一定肉味起碼唔會全部肥膏。比較有特色嘅係有個自助嘅夾蝦區，不過蝦嘅數量唔算特別多， 唔知道係咁快畀人夾曬定點，但我見佢都不定時加下貨。🤣🤣 同埋有個搞笑嘅狀態係
特色泰式火鍋放題，環境都算光猛。肉類同部分小食喺經網站落單，其他大部分自助區夾，由飲品、調味、冷盤、熱食、甜品等。 上菜都算快，自助區都會Keep住補，所以都食得爽快嘅。
➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺
🔥 [ 𝟏𝟐𝟎分鐘 澳洲產 選肩胛牛小排 𝐁餐 ]
🥢 [ 𝐇𝐊$𝟐𝟔𝟖 (黃金時段) | 𝐇𝐊$𝟐𝟑𝟖 (優惠時段) ]
🥘 < < 湯底 > >
湯底嘅口味都好有東南亞特色我就食咗馬來娘惹叻沙 x 青檸椰奶雞湯。 喇沙口味比較香濃，椰奶口味就比較甜滑，另有一番風味。不過加湯係用上湯，所以食到最後個湯底就開始無咁重口味。
🐃 < < 肉 類 / 活 蝦 / 蔬 菜 / 丸 類 > >
嚴選特級牛胸腹、丹麥產皇冠豚梅肉、澳洲產極選肩胛牛小排、澳洲產草飼羊肩肉、美國產下肩胛肉眼。 呢個價錢黎講，整體肉類不過不失，有一定肉味起碼唔會全部肥膏。
比較有特色嘅係有個自助嘅夾蝦區，不過蝦嘅數量唔算特別多， 唔知道係咁快畀人夾曬定點，但我見佢都不定時加下貨。🤣🤣 同埋有個搞笑嘅狀態係，佢哋會扮唔旭，但你一夾佢就9秒9跑走。 btw 發現自己如果夾完，即刻攞去食有啲心理障礙。
--
🦐 < < 泰 式 串 燒 / 小 食 > >
泰式沙嗲串燒、炸蝦片、炸物酸辣鳳爪、青木瓜沙律、咖哩蝦等等。全部見到就想食。 放題邊爐嚟講，小食嘅選擇都幾有特色，而且上枱都新鮮熱辣，唔會凍冰冰。 冷盤嘅調味，唔會過甜。
--
🥡 < < 泰 式 甜 品 / 飲 品 > >
泰式特色嘅甜品，千層糕、椰汁糕、三色冰等等。如果雪糕雪條類就本地牌子，如果做埋泰國特色口味就更加分啦。 飲品類有自家嘅泰茶，飲落甜滑，甜得黎就返香港人嘅口味，所以唔會太過份，而其他罐裝樽裝嘅選擇都係大路嘢。
➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺
🏠 泰金鍋
📍 旺角彌敦道601號創興廣場6樓
Post
