泰瀾鑊 (朗壹廣場)

Open Now

Now Closed

泰瀾鑊嘅炒飯超級好食！自問係炒飯美食家嘅我，都深深被泰瀾鑊嘅炒飯吸引！前排同家人出街放電，鍾意泰國美食嘅爸爸見到泰瀾鑊舒適寬敞又friendly嘅環境就提議喺呢度食。炒飯我地叫咗菠蘿海鮮炒飯同泰式蝦醬炒飯。菠蘿海鮮炒飯我最鍾意菠蘿！好林甜，令我食唔停！泰式蝦醬炒飯好香蝦味，好正宗嘅泰國炒飯，好味😋！我地仲叫咗清邁秘制串燒雙拼、柚子鮮蝦沙律、辣肉碎生菜包三樣嘢做小食～串燒有三豬三雞，我地一家三口啱啱好。串燒醬嘅味好獨特，果然係秘制，我肯定喺其他餐廳一定食唔到！柚子鮮蝦沙律味道清新，鮮蝦鮮甜，讚！辣肉碎生菜包辣得黎好惹味，好有泰國特色！鍾意食泰國野嘅人不可錯過泰瀾鑊～