泰濃麵 (樂道)

Open Now

Now Closed

想食正宗泰國船麵就要去泰濃麵喇，船麵可自選主食，湯底及麵類，主食有豬、牛、雞、海鮮；湯底有船湯、冬陰功或清湯。除咗船麵以外仲有泰式海南雞飯和小食。咁多選擇總有一款適合個人口味。泰式炸腩仔炸腩仔十分香口，每舊都肥瘦均勻，因為最怕過份肥，會食到好膩。配埋泰式醬汁，酸辣感覺愈食愈有。同埋一份都有好多件，過足癮。泰式炸蝦餅蝦餅由炸起到上菜，成個過程都無變形，証明真係好足料飽滿。蝦滑夠彈牙有咬口，雖然係炸，但鮮味十足。頂級美國肥牛船麵湯底飲落好順滑，絕對係煲得夠時間同火喉嘅表現，牛肉同麵時間控制得好好，唔會過老同軟。味道表現出正宗船麵嘅風味。雞髀肉冬陰功湯面首先要讚嘅係選用雞髀肉，真係好食好多。冬陰功酸辣平衡好好，味度稍稍調教得濃少少嚟配麵食，夠細心。