篤篤車 (Closed)

趕時間，要快食個晚餐，行經見到呢間車仔麵好特別，所以入去試一試。一般車仔麵見開嗰啲餸，佢都有，只係湯底有啲唔同，額外加咗啲泰式小食。我同朋友都要咗個超值套餐，咁啱佢咳，叫個唔辣鱷魚湯啱晒；而我就梗係要試吓個冬陰功湯啦。佢嘅湯好得意，都會加啲菇落去。想特別講吓佢啲小食，我哋分別叫咗網紋春卷、香甜蔗蝦同吉列炸蝦餅。即叫即整，所以夠熱夠脆；仲有泰式鳳爪，味道唔輸比一般嘅泰國餐廳，反而價錢就好親民。$81仲可以連埋碟菜，馬拉盞芥蘭惹味，腐乳生菜呢個配搭原來都好好味，返屋企都可以試吓。飲埋杯汽水，飽晒。