Video
Read full review
2018-05-29
25 views
篤篤車車仔麵係元朗安興球場果頭，細細間鋪，但客流都幾多下價錢唔貴，食物又幾特別。首先，3餸車仔麵$35，青檸梳打跟餐$11我點左豬紅、冬菇、珍珠元貝河粉（跟套餐元貝加$2咋，原本要加$7嫁），冬蔭公湯底，中辣，其實車仔麵食依個湯底真係第一次，但一食難忘，湯底濃度辣度岩岩好。其實依到最特別係鱷魚湯底，但今日好想食辣野，所以留番下次啦。然後要左個馬拉盞芥蘭，細細碟（$12），幾抵食，再要左個泰式鳳爪（細）（$14），辣度十足，十分惹味。篤篤車仲有其他款嘅泰式小食，例如泰式炸雞翼、炸魚皮同春卷，有大同細份量選擇，而且大嘅價錢都係$26，有時想咩都試下又可以要細份量。泰式fusion車仔麵真係令人一試難忘，而且都幾受歡迎，都多人食，所以可能要等位嫁。
篤篤車車仔麵係元朗安興球場果頭，細細間鋪，但客流都幾多下
價錢唔貴，食物又幾特別。
首先，3餸車仔麵$35，青檸梳打跟餐$11
我點左豬紅、冬菇、珍珠元貝河粉（跟套餐元貝加$2咋，原本要加$7嫁），
冬蔭公湯底，中辣，其實車仔麵食依個湯底真係第一次，但一食難忘，湯底濃度辣度岩岩好。其實依到最特別係鱷魚湯底，
但今日好想食辣野，所以留番下次啦。
然後要左個馬拉盞芥蘭，細細碟（$12），幾抵食，再要左個泰式鳳爪（細）（$14），辣度十足，十分惹味。篤篤車仲有其他款嘅泰式小食，例如泰式炸雞翼、炸魚皮同春卷，有大同細份量選擇，而且大嘅價錢都係$26，有時想咩都試下又可以要細份量。
泰式fusion車仔麵真係令人一試難忘，而且都幾受歡迎，都多人食，所以可能要等位嫁。
Post
