Video
Read full review
2018-09-13
861 views
去茶餐廳諗起嘅食物，自然大多數都會想起港式、乜餐物餐、炒粉飯麵。最近，就去咗一家「茶記」，賣嘅喺東南亞菜，名字叫「阿來」，有好食嘅意思。先總結一下，食物唔算超高班，但亦絕不失禮，比起正式賣東南亞嘅菜館，收費大概平兩、三成，收咁嘅價，性價比高，所以，真喺太抵食！可能跟你平時去嘅東南亞菜館唔同，無傳統嘅東南亞風裝修，一入去完全喺茶記格局，環境以光猛為先，牆身貼上唔少食物相，水吧位疊起「黑白奶」，唔睇餐牌你就一定覺得入咗間茶記。無豪裝，更唔收加一，換嚟嘅就喺抵食嘅東南亞菜。餐牌就喺底面兩頁A4紙印晒出嚟，小食、沙律、湯品、小菜、海鮮、蔬菜、飯麵……多款星馬泰菜式。另一版就喺啲套餐、特色飲品及甜品。留意，點粉麵飯，都有飲品加配優惠。柚子鮮蝦沙律 $68雖然無講到明喺唔喺金柚，但質素唔差，柚肉拆得大大件、一梳梳，清甜爆汁，而且，份量都唔少；鮮蝦亦唔喺細細隻嗰啲，去晒殼，大隻爽甜；淋上酸酸辣辣嘅醬汁，此外，灑咗唔少炸椰子片，好有泰式風味之外，越食越開胃。馬拉盞炒四大天王 $68老婆喜歡食菜，故一眼就睇中呢道四大天王：秋葵、椰菜苗、臭豆同豆角，不過，臭豆改咗荷蘭豆，因為臭豆都曾經食過，好似蠶豆咁，一
可能跟你平時去嘅東南亞菜館唔同，無傳統嘅東南亞風裝修，一入去完全喺茶記格局，環境以光猛為先，牆身貼上唔少食物相，水吧位疊起「黑白奶」，唔睇餐牌你就一定覺得入咗間茶記。無豪裝，更唔收加一，換嚟嘅就喺抵食嘅東南亞菜。
餐牌就喺底面兩頁A4紙印晒出嚟，小食、沙律、湯品、小菜、海鮮、蔬菜、飯麵……多款星馬泰菜式。另一版就喺啲套餐、特色飲品及甜品。留意，點粉麵飯，都有飲品加配優惠。
柚子鮮蝦沙律 $68雖然無講到明喺唔喺金柚，但質素唔差，柚肉拆得大大件、一梳梳，清甜爆汁，而且，份量都唔少；鮮蝦亦唔喺細細隻嗰啲，去晒殼，大隻爽甜；淋上酸酸辣辣嘅醬汁，此外，灑咗唔少炸椰子片，好有泰式風味之外，越食越開胃。
柚子鮮蝦沙律
$68
13 views
0 likes
0 comments
馬拉盞炒四大天王 $68老婆喜歡食菜，故一眼就睇中呢道四大天王：秋葵、椰菜苗、臭豆同豆角，不過，臭豆改咗荷蘭豆，因為臭豆都曾經食過，好似蠶豆咁，一啲都唔臭，口感粉粉哋。搵馬拉蝦醬嘅馬拉盞炒，鹹鹹香香，夠晒惹味。
香芒蟹肉炒飯 $58本來打算食喇沙，但見有道「香芒蟹肉炒飯」，只賣$58，睇落好抵吓。咪睇飯面都幾粒蟹肉、幾粒芒果，感覺好似好搵笨，但食落就知飯內仲混有蟹肉同芒果粒，雖然整體唔叫好多，但算交足貨；況且，啲飯炒得有水準，爽身，唔油，而且，份量十足，所以，真喺抵食嘅。
椰青 +$20由於點咗個炒飯，所以，可以以優惠價加配個椰青，散點要$35架。老婆就最鍾意飲呢一類天然嘢，清甜，涼涼哋，唔會太凍；飲完仲可以刮埋啲椰青飲肉食，軟滑清甜。
荔枝梳打 $22因外面都喺持續高溫，所以，一坐低就點杯荔枝梳打爽一爽，大杯得嚟好多冰，爽就爽，但幾快飲完，而荔枝味都只喺沿於荔枝糖漿。收得平，最有誠意嘅小店，我就覺得荃灣嘅「韓閣」喺其中一家，雖然喺罐頭貨，都有幾粒荔枝過你咬吓。咪睇少嗰幾粒罐頭荔枝呀，成本唔會好多，但俾客嘅感覺差好遠。
三道菜、兩杯特飲，無加一，都喺二百頭，定價非常親民，食到我兩公婆好飽，連甜品都無點到。嚟得呢度預咗唔喺食環境，但難得服務比預期好，唔會好似某啲茶記咁又惡又串串貢，落單慢啲都好似阻佢趕投胎咁。
Post
