泰餐館 (Closed)

平日好少會行到長沙灣搵食，但今次行行下太肚餓關係，見到「泰」就即刻入去食。因為晚飯時間，所以都幾滿，幸好店員爽快的安排下，即刻有位坐。 今次我的晚飯餐單是：青木瓜沙律，蟹肉炒飯，海鮮東蔭公湯和馬拉盞炒通菜。青木瓜沙律－好足料，我第一次食有生豆角的青木瓜沙律，沙律汁調得好好，酸味味少少辣，開胃。 蟹肉炒飯－蟹肉足夠，不太油膩，飯炒得都夠乾身。海鮮東蔭公湯－亦好足料，蝦，魷魚，蘑菇，蕃茄，不過湯偏咸，到最尾咸到飲剩約一碗。馬拉盞炒通菜－味道夠的，不過當日通菜唔夠嫩。