鼎豐雞煲泰國菜 (Closed)

估唔到打邊爐嘅地方，入邊嘅泰國菜都係咁好味😋〈串燒豬、牛、雞〉🍢🐷🐮🐔串燒係即叫即燒，所以好有燒烤嘅香味，每一串嘅份量都唔少，啖啖肉，好惹味。〈泰式酸辣鳳爪〉🐥🦵🏻鳳爪嘅份量好多，性價比十足，調味啱啱好，唔會太酸亦都唔會太辣，值得推薦！〈飛天炒通菜〉🥗師傅炒得好有鑊氣，通菜新鮮而且唔會有渣，辣得來都幾開胃。〈原隻芒果糯米飯〉🥭🍚又大份同細份選擇，既然我哋兩個女仔食，所以就揀咗細份，但係估唔到糯米飯嘅份量都好多，特別既係有班斕味同原味。〈藍蝶雪梨梳打〉🍐〈水蜜桃梳打〉🍑蝶豆花加雪梨呢個配搭出面唔常見，唔會太甜而且夠晒清新。水蜜桃好有果香，不妨一試。