Video
Read full review
2017-08-02
51 views
講起九龍城，一定係諗到泰國菜。不過今次就轉一轉食好"西"! 嚟到Pavia門口, 侍應姐姐滿懷笑容地開定門等我哋。餐廳地方唔太，雖然係咁，但枱同枱之間保持一定嘅距離，我哋傾計時可以保持翻一定嘅私隱。前菜order 咗蕃茄水牛芝士沙律，主菜就叫咗個Pavia Special Pizza 同 Grilled US A Prime rib steak, 再加個雪糕蘋果批做甜品。蕃茄水牛芝士沙律，蕃茄好新鮮，咬落好爽口，亦好juicy，廚師好鬼大方，因為每片水牛芝士都直程係厚切！我覺得最好嘅係平時喺其他地方食呢個沙律都一定by default 有黑醋，有時d醋唔好味都真係浪費咗沙律。但呢到黑醋就另上，隨自己口味加幾多都得！Pavia Special Pizza ，呢個係餐廳招牌Pizza，餡料有磨茹，火箭菜再配埋黑松露醬，同Mozzarella cheese。茄醬底Pizza 就成日食，黑松露醬底就比較少有。一上枱，黑松露嘅香味四溢，配上啖啖拉絲芝士，好邪惡。Grilled rib steak ，medium cooked，火喉剛好，雖然有個黑椒汁跟上，但唔需要落，因為牛扒味道夠，亦都好jui
嚟到Pavia門口, 侍應姐姐滿懷笑容地開定門等我哋。餐廳地方唔太，雖然係咁，但枱同枱之間保持一定嘅距離，我哋傾計時可以保持翻一定嘅私隱。
前菜order 咗蕃茄水牛芝士沙律，主菜就叫咗個Pavia Special Pizza 同 Grilled US A Prime rib steak, 再加個雪糕蘋果批做甜品。
蕃茄水牛芝士沙律，蕃茄好新鮮，咬落好爽口，亦好juicy，廚師好鬼大方，因為每片水牛芝士都直程係厚切！我覺得最好嘅係平時喺其他地方食呢個沙律都一定by default 有黑醋，有時d醋唔好味都真係浪費咗沙律。但呢到黑醋就另上，隨自己口味加幾多都得！
Pavia Special Pizza ，呢個係餐廳招牌Pizza，餡料有磨茹，火箭菜再配埋黑松露醬，同Mozzarella cheese。茄醬底Pizza 就成日食，黑松露醬底就比較少有。一上枱，黑松露嘅香味四溢，配上啖啖拉絲芝士，好邪惡。
Grilled rib steak ，medium cooked，火喉剛好，雖然有個黑椒汁跟上，但唔需要落，因為牛扒味道夠，亦都好juicy。侍應姐姐仲特登拎咗樽海鹽俾我哋，加少少落塊牛扒到，味道層次即時豐富咗。
食好西唔食甜品又點得呢！酥皮蘋果批配雲呢拿雪糕。熱辣辣蘋果批，蘋果切到一片片好薄好薄，被脆oak oak 嘅酥皮包圍，再加上肉桂，香氣外觀味道都非常好！兩大球雪糕有濃濃嘅牛奶味，配上少許朱古力醬，無得輸嘅配搭。
Post
