滴水坊

Open Now

Now Closed

每日出外食午餐都好難選擇, 唔係食肉就係食肉, 有時候都已經有點開始厭....於是同事就介紹左一間食素食既餐廳,而且都幾近我地既公司, 毫不猶豫就決定去啦!!!!呢到既環境都唔錯, 大大既落地玻璃令出面既陽光透入, 更加令人好溫暖同舒服....佢呢到既餐牌選擇唔係好多, 但係佢呢到有個特色, 就可以揀多飯定少飯, 咁樣就唔會食得浪費。諗左一陣, 最後我就揀左肉燥飯拼蝦卷。一上枱, 覺得好似屋企既家常飯菜, 個青紅羅白湯好清甜, 而且一點味精既味道都冇...青紅羅白既味道好香濃, 冇用到肉去煲既老火湯都可以做到比平時飲湯既味道, 值得一讚。呢到既米飯係用珍珠米, 香濃再加埋肉燥肉味濃郁既味道真係好好味...攪攪下碗肉燥, 原來係用菇類去煮令到個質感好似食緊肉咁, 好有咬口。佢碗肉燥既份量都幾多, 令我食得好滋味, 再加埋佢既環境令人用餐好休閒寧靜,身心完全放鬆, 唔似去其他餐廳咁食飯都難以放低工作緊張既心情。最後就食埋個小食, 見佢炸得岩岩好, 金黃食既外皮好香脆, 裡面既餡料食落都幾惹味,令我以為自己真係食緊蝦卷。食完好滿足, 睇黎我又有一個好既飯腳點。