Video
Read full review
2019-05-20
5162 views
舊年年尾曾到訪過「稻成」，覺得環境幽雅、招呼熨貼、食物有水準，而3月去咗一轉長旅行，事隔一個多月，大家話搞個重聚日，就建議嚟「稻成」食番餐，話晒食過先敢推介俾班「老細」。去旅行又好，食嘢又好，搵埋一班志同「稻」合嘅朋友就過得特別開心。之前嚟喺坐大堂，今次被安排晌坐入房（個房可以擺到兩圍），環境幽雅，感覺更靜侷，方便我哋重溫番旅行點滴。部份老友比我早到埗，已食緊啲前菜（$15 / 碟），趁未齊人，大家就研究吓有咩想食。上次都影過餐牌，目測都無乜點改，只喺調整過價錢而已，所以，今次就唔費時影多次。一般茗茶收$6位，但店長好好人，俾我哋試一試黑杞子茶，小弟井底，都喺第一次飲，色澤藍藍哋，仲誤會以為喺蝶豆花，味道帶淡淡杞子清幽，講到食療功效就多囉，增強免疫力、抗疲勞、養肝明目……等等。雞絲拌粉皮 $52大路得嚟，又穩陣嘅冷盤，等大家可以食住等。雞絲、青瓜絲切得幼細而工整，跟粉皮、麻醬拌勻，食落口感豐富，有爽、有滑，芝麻味香濃又唔過於黏口。蘇式燻魚 $72燻魚喺另一款富特色嘅冷盤，肉質挺身而具咬口，咬落唔會一陣風咁，有嚼頭，而且，煙燻香極為突出，十分惹味，就算配碗白粥，都夠晒作為一餐呀！稻成黑松
之前嚟喺坐大堂，今次被安排晌坐入房（個房可以擺到兩圍），環境幽雅，感覺更靜侷，方便我哋重溫番旅行點滴。
部份老友比我早到埗，已食緊啲前菜（$15 / 碟），趁未齊人，大家就研究吓有咩想食。上次都影過餐牌，目測都無乜點改，只喺調整過價錢而已，所以，今次就唔費時影多次。
一般茗茶收$6位，但店長好好人，俾我哋試一試黑杞子茶，小弟井底，都喺第一次飲，色澤藍藍哋，仲誤會以為喺蝶豆花，味道帶淡淡杞子清幽，講到食療功效就多囉，增強免疫力、抗疲勞、養肝明目……等等。
雞絲拌粉皮 $52大路得嚟，又穩陣嘅冷盤，等大家可以食住等。雞絲、青瓜絲切得幼細而工整，跟粉皮、麻醬拌勻，食落口感豐富，有爽、有滑，芝麻味香濃又唔過於黏口。
蘇式燻魚 $72燻魚喺另一款富特色嘅冷盤，肉質挺身而具咬口，咬落唔會一陣風咁，有嚼頭，而且，煙燻香極為突出，十分惹味，就算配碗白粥，都夠晒作為一餐呀！
蘇式燻魚
$72
22 views
0 likes
0 comments
稻成黑松露小籠包（$78）、稻成小籠包（$42）有加黑松露當然幽香好多啦，但原味嘅本身都做得唔錯，摺紋清晰，外皮搓得薄，肉餡鬆化富肉汁，又無話溝咗好多肥豬肉。
烤北京填鴨 $358（全份） / $208（半份）講起北京填鴨呢個經典菜式，又有人問，同片皮鴨有咩分別，顧名思義，片皮鴨主要喺片層鴨皮，而北京填鴨就片出皮連肉，唯「稻成」就唔興堂片，出到嚟就喺一整碟連皮鴨肉、配料及薄餅皮。
烤北京填鴨
33 views
0 likes
0 comments
松子桂花魚 $258呢一味又喺一道經典菜，經典在於既花功夫，煮起嚟又要有手藝，否則，松子外型走晒樣，唔脆又唔好食。然而，依一尾就做得相當出色，一來賣相靚晒，二來個魚做到外脆內嫩，個汁底酸香唔嗆喉。
松子桂花魚
$258
12 views
0 likes
0 comments
蒜炒萵苣絲 $108咁多肉，點都要有碟蔬菜平衡吓，奶油津白、毛豆百頁食得比較多，今次就試吓炒萵苣絲，萵苣絲切得大小均一，入口爽爽哋，簡單蒜蓉炒，幾香口。
肉蟹炒年糕 $666上海炒年糕、雪菜肉絲炒年糕食得多，店長推介呢一道肉蟹炒年糕，餐牌都無，喺近期推介俾客人嘅秘密菜式。既然個長旅行都使咗唔少錢，都唔志在豪少少食得高興啲，揀咗3隻大肉蟹嚟做，時價計，非常大份！
以份量及有成3隻大肉蟹計，又唔算貴喎，啲蟹真喺堆到成座山咁，蟹肉就故然好鮮味，肉質爽甜，而啲年糕吸收咗蟹嘅精華，令到令件年糕充滿蟹香，口感柔韌，真喺無得輸。其中一位友人勁鍾意食蟹，所以，大讚呢道菜式。
杞子桂花糕人多甜品就最好揀啲易分享嘅選擇，桂花糕就喺其一，不過，店長私人醒咗碟俾我哋，所以先會一客有7件咁多。桂花糕冰涼爽身，充滿桂花香，又加入好多杞子，清新有營。
雪耳燉津梨部份人就多想試試埋燉雪梨（$38客），呢個都好好食，入口好清潤，雪梨好清甜，雪耳極之爽口，好啱女生享用，如果秋冬嚟食，感覺更加一流。
高力豆沙大家怕豆沙窩餅熱氣，就改以高力豆沙，一客4個（$48客），但可以額外加配（+$14個），如果數口精嘅話，就會發現俾多幾蚊點兩客仲划算。每個做得漲卜卜，灑滿糖霜，外皮軟綿，內面放有唔少清甜嘅豆沙餡。
今晚被安排坐晌房，加上隔離枱嘅客都食得快完，八點左右已鬆人，令到我哋可以更靜侷嚟傾偈，並重溫過多月前旅行嘅點滴及趣事。今晚餐飯，除咗菜式有水準，尤其條桂花魚及年糕，食得大家津津樂道，而且，服務又夠熨貼真喺值得小弟再翻兜！
Post
