早安越南 (Closed)

好食濃郁酸辣海鮮湯黑粉絲2018/07/09糖水店旁邊嘅越式菜館，我同朋友計劃定先食正餐再食甜品，所以我地兩人各點咗一碗麵食，冇叫到小食。服務員有特地拎椅子比我地放手袋，店內畫滿壁畫裝飾別緻。朋友點咗生牛肉湯麵，我點咗海鮮酸辣湯底黑粉絲。生牛肉湯麵，湯底清又能同牛肉互相配合，麵幼身而掛湯。我點咗酸辣海鮮湯底黑粉絲，酸辣湯底海鮮味濃郁，第一次食黑粉絲，冇紅薯粉咗濟，但又非常掛湯，彈牙，粉絲份量多，非常飽肚。海鮮方面材料非常多，有三隻蠔，兩隻冇殼中型蝦，及蕃茄。湯底可口，海鮮汁濃，令人忍唔住口多飲兩啖，我唔係好食得辣，酸辣湯冇味辣味但海鮮汁味濃郁。有機會再黎此點應該會再點依個黑粉絲，推薦比中意海鮮又中意酸辣湯底嘅朋友，值得一試。