埠 (Closed)

一流海景燒明太子，細切一片片，好有鹹香味，食咗幾片覺得咸咗啲，而餐廳加咗啲蘿蔔蓉，配埋一齊食，中和返啲鹹味，啱啱好！燒物叫咗兩樣，墨魚腸同埋安格斯肉眼。餐廳專登用咗載着啲石頭嘅燒爐，一路熱住啲燒物!墨魚腸好特別顏色，好深色黑黑地，加咗啲墨汁。味道香甜，入邊仲有啲墨魚粒。肉眼好有牛味，入邊啲肉汁都多。松葉蟹肉飯團，飯團兩面燒到卜卜脆，入面夾雜着啲蟹肉絲，配埋啲濃香蟹膏好夾好好食！關東煮，上枱用爐一路熱住!入面有好多酙料，雜菜粉絲福袋、半熟雞蛋、魔芋等等。湯汁香甜濃郁，熱辣辣食，讚！御盛飯，有碗面試湯、一碗白飯、蒜頭漬物。蒜頭醃左，食落少少咸幾香，脆脆地，味道唔似蒜頭味，但配飯又好好食。松葉蟹肉鍋燒烏冬，上枱可以用爐熱住！入面好多蟹肉，啲烏冬彈牙，粗細適中，配埋啲蟹肉好好食！蟹肉味道愈煮愈濃！整體食物有質素，景觀一流！