Video
Read full review
2023-06-23
115 views
今日老公生日，我預早book左法國餐同他慶祝生日。平時食日本餐和西餐就食得多，法國就比較小食，今晚一於要浪漫下享受下法國餐。地點非常方便就腳，餐枱和座位唔多，要食既話一定要預早預約，如果唔係好快full!餐包分別有香草包，墨汁芝麻包和芝士餅再配上自家製麵包醬，味道鹹鹹甜甜而又比較罕見，非常滋味。芝士餅表面含豐富既芝士粒，香而脆口，食完好似停唔到口。意式焗釀蕃茄原隻蕃茄焗幾有派頭，內含豐富既意大利肉腸和滿滿既芝士，入口熱辣辣軟棉棉，口感幾特別呀。熟既蕃茄有助吸收茄紅素，有抗氧化成份，可以預防心血管疾病，非常健康。鮮蘆筍蟹肉忌廉湯香甜既蘆筍湯再配上一絲絲既蟹肉，加上適量既忌廉，湯味香而濃郁，非常足料。呢排天氣濕熱，飲返個蘆筍湯幫助清熱解毒!香煎鵝肝厚厚既鵝肝，煎到金黃色，生熟程式剛剛好，肉質軟嫩而且一d腥味都無，仲帶好juicy 添，非常滿足。番石榴雪葩帶點清香鮮甜既番石榴味雪葩，入口清新冰涼，夏日炎炎，食返個雪葩可以降下温。慢煮鹿兒島豬上肩肉豬肩肉好大片，老闆一d都唔吝嗇。肉質香嫩鮮甜，油脂分佈均勻，一咬即斷，入口即溶，有驚喜。再配上適量既蔬菜，感覺無咁濟，非同凡響！朱古力配 Marco
地點非常方便就腳，餐枱和座位唔多，要食既話一定要預早預約，如果唔係好快full!
餐包分別有香草包，墨汁芝麻包和芝士餅再配上自家製麵包醬，味道鹹鹹甜甜而又比較罕見，非常滋味。
芝士餅表面含豐富既芝士粒，香而脆口，食完好似停唔到口。
意式焗釀蕃茄
原隻蕃茄焗幾有派頭，內含豐富既意大利肉腸和滿滿既芝士，入口熱辣辣軟棉棉，口感幾特別呀。熟既蕃茄有助吸收茄紅素，有抗氧化成份，可以預防心血管疾病，非常健康。
鮮蘆筍蟹肉忌廉湯
香甜既蘆筍湯再配上一絲絲既蟹肉，加上適量既忌廉，湯味香而濃郁，非常足料。呢排天氣濕熱，飲返個蘆筍湯幫助清熱解毒!
香煎鵝肝
厚厚既鵝肝，煎到金黃色，生熟程式剛剛好，肉質軟嫩而且一d腥味都無，仲帶好juicy 添，非常滿足。
番石榴雪葩
帶點清香鮮甜既番石榴味雪葩，入口清新冰涼，夏日炎炎，食返個雪葩可以降下温。
慢煮鹿兒島豬上肩肉
豬肩肉好大片，老闆一d都唔吝嗇。肉質香嫩鮮甜，油脂分佈均勻，一咬即斷，入口即溶，有驚喜。再配上適量既蔬菜，感覺無咁濟，非同凡響！
朱古力配 Marconi和蝴蝶酥
甜品配搭色彩繽紛，食小小甜野，已經接近尾聲，非常滿足。
芒果奶凍配酒菠蘿
自家製甜品賣相非常吸引，芒果奶凍配上少許用酒醃製既菠蘿，味道又幾夾，可見真係花了不少心思。真係一分錢一分貨，性價高，遠超預期。
Post
