Video
Read full review
2008-09-16
20 views
一行 4 人落樓食 dinner, 去到新馬鞍門口先發覺佢已執, 變了就快開業的日本餐廳, 阿爸就提議0黎呢度... 雖然印象中油飯一般, 但去骨海南雞 ok, 咁就試試海南雞以外的食物啦. 叫了 4 人餐, 有湯有飯加三個(食送), 食得飽飽的:- 先0黎一人一碗紅蘿蔔冬瓜薏米豬骨湯: 標榜無味精, 飲落又真係喎, 味道幾住家, 不過鹹了少少.- 栢檔咖喱牛腩 (亦可選雞, 豬或豬頸肉): 咖喱係馬來西亞式, 唔辣, 咖喱香及椰味都一般, 麻麻0地鍾意; 牛腩好韌, 牛筋就較好食, 又腍又入味又夠「膠」; 最好食係 d 紅蘿蔔, 甜甜的又索汁, 送飯不錯.- 油飯: 偏乾身及硬身, 0岩我, 但味道依然唔掂, 唔油又唔夠色水, 食落淡淡的, 配咖喱或蔥油 / 黑醬油 / 辣汁較好.- 去骨海南雞 (半隻): 呢味最好食... 雞肉十分嫩, 皮同肉中間有骨膠原 jelly, 雞皮爽口, 不過太肥; 三款醬汁以蔥油最惹味, 香而不太鹹. 不錯的半隻海南雞!- 蒜蓉炒唐生菜: 蒜味夠, 油水夠, 夠熱辣, 好難會難食.- 海蜇雞絲: 粗身海蜇十分爽口, 雞絲就好0鞋, d
- 先0黎一人一碗紅蘿蔔冬瓜薏米豬骨湯: 標榜無味精, 飲落又真係喎, 味道幾住家, 不過鹹了少少.
- 栢檔咖喱牛腩 (亦可選雞, 豬或豬頸肉): 咖喱係馬來西亞式, 唔辣, 咖喱香及椰味都一般, 麻麻0地鍾意; 牛腩好韌, 牛筋就較好食, 又腍又入味又夠「膠」; 最好食係 d 紅蘿蔔, 甜甜的又索汁, 送飯不錯.
- 油飯: 偏乾身及硬身, 0岩我, 但味道依然唔掂, 唔油又唔夠色水, 食落淡淡的, 配咖喱或蔥油 / 黑醬油 / 辣汁較好.
- 去骨海南雞 (半隻): 呢味最好食... 雞肉十分嫩, 皮同肉中間有骨膠原 jelly, 雞皮爽口, 不過太肥; 三款醬汁以蔥油最惹味, 香而不太鹹. 不錯的半隻海南雞!
- 蒜蓉炒唐生菜: 蒜味夠, 油水夠, 夠熱辣, 好難會難食.
- 海蜇雞絲: 粗身海蜇十分爽口, 雞絲就好0鞋, d 汁酸酸辣辣, 好泰式 feel, 幾惹味.
環境好茶記 feel, 衛生就幾麻麻, 太多蒼蠅飛來飛去, 好困擾; 阿姐們有佢講無你講, 態度亦幾差, 招呼麻麻.
埋單每人約 $64, 幾平, 不過成餐飯, 似乎都係得海南雞叫做幾好食, 下次再幫襯的話, 應該只會買外賣海南雞了.
Post
