雄泰

Open Now

Now Closed

聯和墟都有好多餐廳選擇，今日中午去咗呢間雄泰度食海南雞，叫咗一個泰式海南雞飯，泰式火鍋醬豬肉片炒粉絲。泰式海南雞飯 $46呢度嘅海南雞十分嫩滑，仲係無骨😍，雞嘅份量亦都唔少。飯係我鍾意嘅油飯嚟，整體非常好食。泰式火鍋醬豬肉片炒粉絲🔥 $48呢個帶點辣同埋有啲酸酸甜甜，食落都幾開胃，豬肉片都幾腍同入味，加埋啲炒蛋，通菜，整體都唔錯。泰式墨魚餅 $30墨魚餅都有六件㗎，食落好彈牙，唔會死實實，配上泰式辣醬，正呀。泰式奶茶 $18鹹檸7 $18飲嘢就正正常常。總結：抵食，味道都唔錯，難怪經常等位。