Video
Read full review
2007-05-20
3 views
好友知我鍾意食海南雞飯，就同我講話蘇絲黃話呢道啲海南雞飯超正。不過因為好少去北角，所以隔咗咁耐先同男朋友去試。其實試之前睇過啲食評都有諗過去唔去試，不過唔試又點知真係得唔得呢? 電視嘅宣傳力量唔可以低估，因為我同男友weekday夜晚去度都好彩有張細枱......仲要不停見到有人行入嚟買外賣。同男朋友兩個人叫咗:1. 海南雞飯兩客(75蚊一客) - 因為我哋兩個都鍾意食海南雞飯，絕對唔肯share，唯有叫兩客。湯就咸咗啲；雞都ok滑，雞味ok啦，不過去骨唔夠徹底；個飯呢，我諗一啲啲人鍾意啦，比較硬身(可以叫爽口)，蒜味幾重，不過我個人幾鍾意呢個飯，因為我鍾意蒜香而且鍾意比較硬身嘅飯；三種醬唔特別(咪又係嗰啲...)不過配雞食都好味。2. 炒通菜- 通菜可能雪過，有渣，味道尚可，炒得香，不過幾油。3. 薏米水- 我食親海南雞飯都飲(幫助美白嘛haha)，不過呢間真係名副其實薏米水，因為好水吓...另我唔知係正宗定唔正宗...薏米水有糖東瓜(可能係要落嘅不過我未試過隻杯度會跟幾粒糖東瓜)!4. 珍多椰汁乜乜(唔記得名, 但有珍多兩字應該得一杯) - 真心話，我真係俾呢杯嘢嚇親，由細到大，我
其實試之前睇過啲食評都有諗過去唔去試，不過唔試又點知真係得唔得呢? 電視嘅宣傳力量唔可以低估，因為我同男友weekday夜晚去度都好彩有張細枱......仲要不停見到有人行入嚟買外賣。
同男朋友兩個人叫咗:
1. 海南雞飯兩客(75蚊一客) - 因為我哋兩個都鍾意食海南雞飯，絕對唔肯share，唯有叫兩客。湯就咸咗啲；雞都ok滑，雞味ok啦，不過去骨唔夠徹底；個飯呢，我諗一啲啲人鍾意啦，比較硬身(可以叫爽口)，蒜味幾重，不過我個人幾鍾意呢個飯，因為我鍾意蒜香而且鍾意比較硬身嘅飯；三種醬唔特別(咪又係嗰啲...)不過配雞食都好味。
2. 炒通菜- 通菜可能雪過，有渣，味道尚可，炒得香，不過幾油。
3. 薏米水- 我食親海南雞飯都飲(幫助美白嘛haha)，不過呢間真係名副其實薏米水，因為好水吓...另我唔知係正宗定唔正宗...薏米水有糖東瓜(可能係要落嘅不過我未試過隻杯度會跟幾粒糖東瓜)!
4. 珍多椰汁乜乜(唔記得名, 但有珍多兩字應該得一杯) - 真心話，我真係俾呢杯嘢嚇親，由細到大，我都覺得珍多加椰汁會係一啲白色飲料，至於呢杯呢...一上枱我以為搞錯，因為呢杯嘢係啡色架!杯底有一大堆啡色糖漿，超級極度甜，搞嚟搞去都仲係好甜，而且味道太椰子喇(直情喺乜乜記椰子糖變成杰糖漿咁feel)，如果係椰奶咪好囉...結果成杯飲咗兩嗒被迫放棄(不過我之後去washroom行過一張枱見到一位女士佢飲到淨返一嗒...好厲害)。
總括講，環境食物過得去(其實我當晚見又唔係好多人食海南雞飯，反而唔少街坊look人食煲仔or炒菜咁樣)，海南雞飯唔係太差，不過絕唔係最好嘅(男朋友話佢鍾意巴沙多啲，我就覺得呢道好食過巴沙，不過比好時差好遠)。至於服務呢，其實我覺得唔錯，只不過人手唔夠，所以要叫好耐先有人應，不過服務態度幾好。
海南雞飯, 都係好時又平又好食(雖然環境就麻麻...)。
Post