金記冰室 (Closed)

今日又來到金記食飯，以一間連鎖式嘅冰室來講，佢都算係做得幾有質素，而且價錢唔算貴，所以我都成日嚟幫襯。今日出咗成日show，企到好攰，真係要食返個好嘅晚餐補充下體力先得。今日就叫咗個金記嘅海南雞套餐試一試佢，$62合理價值，可惜黎得比較晏，油飯已經賣晒，只好轉做炒飯。雞肉嚟到都幾大份，已經去咗骨，白雪雪雞肉，厚肉得黎唔會話硬，亦無乜肥膏，抵讚！醬汁有黑豉油同薑蓉，呢度個薑蓉比較特別，加咗沙薑，食落鹹鹹地，更滋味。雖然無油飯，蛋飯都炒得幾香，好味道。總括而言，金記真係一間性價比高嘅連鎖式冰室，就黎成為我嘅飯堂啦。